Тошкент вилоятида маиший чиқинди полигонларида ҳосил бўладиган чиқинди газини қайта ишлаш ҳисобига электр энергиясини ишлаб чиқариш мажмуаси қурилади.
Табиат ресурслари вазирлиги хабарига кўра, Ўзбекистон ва Корея расмийлари иштирокида 27 январь куни Оҳангарон ва Майдонтол маиший чиқиндилар полигонларида ҳосил бўладиган чиқинди газини қайта ишлаш ҳисобига электр энергияси ишлаб чиқариш мажмуаси қурилишига тамал тоши қўйиш маросими бўлиб ўтди.
Қайд этилишича, “Sejin G&E” компанияси иштирокида 55 миллион доллар миқдоридаги тўғридан тўғри инвестиция маблағлари ҳисобига Тошкент вилоятининг Оҳангарон ва Майдонтол маиший чиқиндилар полигонида ҳосил бўладиган чиқинди газидан умумий ишлаб чиқариш қуввати камида 16 МВт бўлган электр энергияси ишлаб чиқарадиган замонавий лойиҳа ишга туширилади.
Изоҳ (0)