Қорақалпоғистон Вазирлар Кенгаши раисига янги ўринбосар тайинланди

Қорақалпоғистон Республикаси Вазирлар Кенгаши раисининг жамоат ва диний ташкилотлар билан алоқалар бўйича ўринбосари ўзгарди. Бу ҳақда Вазирлар Кенгаши ахборот хизмати хабар берди.

Маълум бўлишича, бу лавозимга Ражаббой Нуразизов тайинланган.

Ражаббой Нуразизов тайинловга қадар ДХХнинг Қорақалпоғистон Республикаси бошқармасида масъул лавозимда фаолият олиб борган.

Эслатиб ўтамиз, Нуразизовга қадар 2021 йилдан буён ушбу лавозимда Рустам Сапарбаев ишлаб келаётганди. У 2022 йилнинг август ойида Қорақалпоғистон Республикаси Жўқорғи Кенгеси раисининг ўринбосари этиб сайлангач, ушбу лавозим вакант бўлиб турганди.