Газ плитаси ва қозонни ишлатмасдан, микротўлқинли печ ёрдамида атиги 5 дақиқада мазали, тўйимли макаронли таом тайёрлаб кўриш мумкин. Marie Claire нашри тез тайёр бўладиган макаронли таомлар рецептини тақдим этди.
Агар шошаётган ва битта таом тайёрлашни режалаштираётган бўлсангиз, чашкадаги макарон сиз учун энг яхши тез тайёрланадиган рецепт бўла олади. Бу оддий талабалар кечки овқати бўлиши шарт эмас, бироқ уни ҳақиқатан ҳам тезда тайёрлашингиз ва бунинг учун плитадан эмас микротўлқинли печдан фойдаланишингиз мумкин.
Микротўлқинли печда макарон ва пишлоқни пишириш учун бор-йўғи беш дақиқа вақт кетади, шундан кейин кастрюлкани ювишингиз шарт бўлмайди. Таомнинг озуқавий қиймати тахминан 380 ккалга тенг бўлади.
Керакли масаллиқлар:
- бир чашканинг учдан бир қисми мидорида макарон;
- ярим чашка майда қилиб тўғралган пишлоқ;
- таъбга кўра чашка тўлиқ ёки 2 фоизли сут;
- бир стаканнинг учдан бир қисми миқдорида сув;
- бир чимдим туз.
Катта, кенг идишга макарон, туз ва сувни солинг (пиёла қанчалик кенг ва чуқурроқ бўлса, унинг тошиб кетиши ва қайнаши эҳтимоли шунчалик кам бўлади). Микротўлқинли печ учун хавфсиз бўлса, ҳатто кружкадан ҳам фойдаланишингиз мумкин. Танланган идишни 4 дақиқа давомида микротўлқинли печга қўйинг, унинг бўлиниб кетишини олдини олиш ва қайноқ сув макаронга сингиши учун ҳар дақиқа аралаштиришни тўхтатинг.
Идишдаги барча сув сўрилганига эътибор беринг ва агар керак бўлса, пишириш вақтига 30 сониягача қўшинг. Сув макаронга сингиб кетгандан сўнг, унга сут ва пишлоқ қўшиб аралаштиринг (дўконда сотиб олинган майдаланган пишлоқдан фойдаланинг) ва идишни яна бир дақиқа микротўлқинли печга қўйинг. Бу вақт таом янада яхшироқ ва мазалироқ бўлишини таъминлайди.
Жараён охирида сут ва пишлоқни бир хил мустаҳкамликка келтириш учун таомни яхшилаб аралаштиринг ва олинган соусни пиширилган макаронга қўшинг. Овқатланишдан олдин макаронни бир неча дақиқа совутинг.
Макаронни пиширгандан кейин дарҳол истеъмол қилган маъқул, бироқ уни музлатгичда уч кунгача сақлаш ҳам мумкин. Фақат совутилган таомларни фолга қоғози билан ўрашни унутманг ва музлатгичга қўйинг. Макаронли таомни қайта иситиш вақтида озгина сув ёки сут қўшинг — бу таомнинг мазаси ва ўз ҳолатини йўқотмасликка ёрдам беради.
Бу усулни ҳар қандай севимли макарон турларига, ҳаттоки лазаняга ҳам қўллаш мумкин.
Изоҳ (0)