Ушбу рецепт асосида тайёрланадиган булочка мазали ва юмшоқ бўлиб чиқади. Унинг ичига шоколад, мураббо ёки ўзингизга ёққан бошқа маҳсулотларни қўшишингиз мумкин.
Хамири учун керакли масаллиқлар:
- қатиқ — 250 мл
- шакар — 50 г
- туз — ярим қошиқ
- тухум — 1 дона
- сариёғ — 50 г
- ванилин — 1 қошиқ
- тез таъсир қилувчи хамиртуруш — 2 қошиқ
- ун — 450-500 г
Булочканинг устига керак бўладиган маҳсулотлар:
- сариёғ — 40 г
- ун — 80 г
- шакар — 3-4 қошиқ
- тухум сариғи — 1 дона
- сут — 2-3 қошиқ
Тайёрланиши:
- Қатиқ, шакар, туз, тухум, эритилган сариёғ ва ванилинни идишга солиб аралаштиринг.
- Унга хамиртуруш қўшиб, аралаштиринг. Оз-оздан ун қўшинг, юмшоқ ва озгина ёпишқоқ хамир бўлгунча қоринг.
- Хамирни катта идишга солинг, устини сочиқ билан ёпинг ва илиқ жойда 1-2 соатга қолдиринг.
- Листни ёки қолипни перgameнт қоғоз билан ёпинг. Хамир икки баравар катталашганда, уни 12 та тенг бўлакка бўлинг. Ҳар бирини булочкага айлантиринг.
- Булочкаларни листга қўйинг, уларнинг орасида 5-7 см жой қолдиринг. Устини сочиқ билан ёпинг ва 20-30 дақиқа давомида илиқ жойда қолдиринг.
- Печни 180 даража ҳароратда олдиндан қиздириб олинг. Булочканинг устига суртиш учун ун, шакар ва сариёғни майда қирғичдан ўтказинг. Тухум сариғини сут билан кўпиртиринг.
- Булочкаларнинг устига тухум сариғини суртинг. Уларни қизаргунга қадар 25-35 дақиқа пишириб олинг.
Ёқимли иштаҳа!
Изоҳ (0)