Gaz plitasi va qozonni ishlatmasdan, mikroto‘lqinli pech yordamida atigi 5 daqiqada mazali, to‘yimli makaronli taom tayyorlab ko‘rish mumkin. Marie Claire nashri tez tayyor bo‘ladigan makaronli taomlar retseptini taqdim etdi.
Agar shoshayotgan va bitta taom tayyorlashni rejalashtirayotgan bo‘lsangiz, chashkadagi makaron siz uchun eng yaxshi tez tayyorlanadigan retsept bo‘la oladi. Bu oddiy talabalar kechki ovqati bo‘lishi shart emas, biroq uni haqiqatan ham tezda tayyorlashingiz va buning uchun plitadan emas mikroto‘lqinli pechdan foydalanishingiz mumkin.
Mikroto‘lqinli pechda makaron va pishloqni pishirish uchun bor-yo‘g‘i besh daqiqa vaqt ketadi, shundan keyin kastryulkani yuvishingiz shart bo‘lmaydi. Taomning ozuqaviy qiymati taxminan 380 kkalga teng bo‘ladi.
Kerakli masalliqlar:
- bir chashkaning uchdan bir qismi midorida makaron;
- yarim chashka mayda qilib to‘g‘ralgan pishloq;
- ta’bga ko‘ra chashka to‘liq yoki 2 foizli sut;
- bir stakanning uchdan bir qismi miqdorida suv;
- bir chimdim tuz.
Katta, keng idishga makaron, tuz va suvni soling (piyola qanchalik keng va chuqurroq bo‘lsa, uning toshib ketishi va qaynashi ehtimoli shunchalik kam bo‘ladi). Mikroto‘lqinli pech uchun xavfsiz bo‘lsa, hatto krujkadan ham foydalanishingiz mumkin. Tanlangan idishni 4 daqiqa davomida mikroto‘lqinli pechga qo‘ying, uning bo‘linib ketishini oldini olish va qaynoq suv makaronga singishi uchun har daqiqa aralashtirishni to‘xtating.
Idishdagi barcha suv so‘rilganiga e’tibor bering va agar kerak bo‘lsa, pishirish vaqtiga 30 soniyagacha qo‘shing. Suv makaronga singib ketgandan so‘ng, unga sut va pishloq qo‘shib aralashtiring (do‘konda sotib olingan maydalangan pishloqdan foydalaning) va idishni yana bir daqiqa mikroto‘lqinli pechga qo‘ying. Bu vaqt taom yanada yaxshiroq va mazaliroq bo‘lishini ta’minlaydi.
Jarayon oxirida sut va pishloqni bir xil mustahkamlikka keltirish uchun taomni yaxshilab aralashtiring va olingan sousni pishirilgan makaronga qo‘shing. Ovqatlanishdan oldin makaronni bir necha daqiqa sovuting.
Makaronni pishirgandan keyin darhol iste’mol qilgan ma’qul, biroq uni muzlatgichda uch kungacha saqlash ham mumkin. Faqat sovutilgan taomlarni folga qog‘ozi bilan o‘rashni unutmang va muzlatgichga qo‘ying. Makaronli taomni qayta isitish vaqtida ozgina suv yoki sut qo‘shing — bu taomning mazasi va o‘z holatini yo‘qotmaslikka yordam beradi.
Bu usulni har qanday sevimli makaron turlariga, hattoki lazanyaga ham qo‘llash mumkin.
Izoh (0)