Қишнинг совуқ оқшомларида тез тайёрланадиган юмшоқ, мазали печенье ва бир пиёла иссиқ чой ҳам инсонга кайфият бағишлайди. «Эриётган қор» печеньелари ҳақиқатан ҳам оғизда эрийди ва уни тайёрлаш учун сизга оддий ошхонада топиладиган ва арзон маҳсулотлар керак бўлади. Бироз лимоннинг нордон таъми келувчи ширинлик печда 15 дақиқа давомида пиширилади, хамирни тайёрлаш учун ҳам шунча вақт сарфланади.
Керакли масаллиқлар:
- сариёғ — 125 г;
- ун — 200-210 г;
- картошка ёки маккажўхори крахмали — 2 ош қошиқ;
- лимон шарбати — 1 ош қошиқ;
- ўсимлик ёғи — 4 ош қошиқ;
- шакар кукуни — 2-3 ош қошиқ;
- ванилин — 1 чой қошиқ.
- Юмшатилган сариёғни идишга солинг ва унга шакар кукуни, ванилин, лимон шарбати ва ўсимлик ёғини қўшинг.
- Маҳсулотларни миксер ёрдамида аралаштиринг ёки венчик билан яхши аралашгунча кўпиртиринг.
- Идишга крахмал солинг ва аралаштиринг.
- Бир пиёла ичида унни элакдан ўтказинг. Хамирни аввал қошиқ билан аралаштиринг, кейин қўлларингиз билан қоринг.
- Хамирни уч қисмга бўлинг, уларнинг ҳар бирининг диаметри тахминан уч сантиметр бўлган шаклда ёйилиши керак.
- Ҳар бир хамир бўлаклари бир-икки сантиметр кенглигида бўлакларга бўлиниб, уларни бир-бирига яқин масофада пергамент қоғози билан қопланган листга қўйинг.
- Печеньеларни 15 дақиқа давомида 180 даража ҳароратда иситилган печга қўйинг. Уларни қизаргунча пишириб олинг.
- Тайёр печеньеларнинг ҳар томонига шакар кукунини сепинг ва дастурхонга тортинг. Печеньеларни тайёрлаш учун сизга умумий 30 дақиқа вақт керак бўлади.
Мавзуга доир:
Изоҳ (0)