Россия президенти матбуот котиби Дмитрий Песков Қиёмат соати миллари 10 сония олдинга суриб қўйилганига муносабат билдирди. Бу ҳақда “Коммерсант” хабар берди.
Песков ҳозир дунёдаги вазият ниҳоятда хавотирли ва таранглигини айтиб, НАТО ва АҚШни халқаро вазиятни ёмонлаштирганликда айблади.
“Ҳақиқатан ҳам вазият умумий ҳолатда ҳам ташвишли, у ниҳоятда таранг. Вазиятнинг ривожланиш истиқболлари НАТО ва АҚШ раҳбарияти томонидан танланган йўналишни ҳисобга олган ҳолда, ҳали ҳеч қандай пасайишни ваъда қилмайди”, — дейди Песков.
24 январь куни “Атомшунос олимлар бюллетени” журнали вакиллари глобал фалокатни англатувчи Қиёмат соатининг милларини олдинга суриб қўйди. У “ядро апокалипсиси нуқтаси”га 90 сония қолганини кўрсатмоқда. Бу 1947 йилда яратилган лойиҳа тарихидаги энг юқори хавф даражасидир. Олимлар вақт ўзгаришининг асосий сабаби “Украинада уруш хавфи кучайиши” деб атаган.
Изоҳ (0)