Украина президенти Владимир Зеленский турли даражадаги кадрларни алмаштириш режалари ҳақида маълум қилди. ОАВ маълумотларига кўра, президент офиси раҳбарининг ўринбосари Кирило Тимошенко истеъfogа чиққан, яна бир қанча ҳарбий-фуқаролик маъмуриятлари раҳбарлари лавозимини тарк этиши мумкин. Бундан ташқари, Испанияда дам олгани учун танқидга учраган Бош прокурор ўринбосари Алексей Симоненко истеъfogа чиқиш ҳақида ариза ёзди.
“Кадрлар бўйича қарорлар аллақачон қабул қилинган, бу вазирликлар ва марказий ҳукуматнинг бошқа тузилмалари ҳамда ҳудудлардаги турли даражадаги раҳбарларга, ҳуқуқни муҳофаза қилиш тизимига тегишли — кимдир бугун, кимдир эртага”, — деди Зеленский веб-сайтида эълон қилинган мурожаатда.
Айнан кимлар истеъfogа чиқиши мумкинлиги ҳақида “Украина ҳақиқати” ўз манбаларига таяниб хабар берди. Нашрнинг ёзишича, Тимошенконинг ўрнини Киев вилояти ҳарбий маъмурияти раҳбари Алексей Кулеба эгаллаши мумкин. “Бабел” нашрига кўра, Тимошенко вилоят маъмуриятларидан бирини бошқариши мумкин. Суми ва Днепропетровск вилоятлари раҳбарлари, шунингдек, 2022 йилда Россия томонидан аннексия қилинган Украинанинг Запороже ва Херсон вилоятлари маъмуриятлари раҳбарлари истеъfogа чиқиши мумкин.
Бир ҳафта олдин, Зеленский офисининг мустақил маслаҳатчиси Алексей Арестович ўз лавозимини тарк этганди. Арестович Россиянинг Украинага босқини бошланганидан кейин Украина ҳукуматидаги энг таниқли шахслардан бирига айланган. У 14 январь куни Днепрдаги турар жой биносига келиб урилган Россия ракетаси Украина ҳаво ҳужумидан мудофаа кучлари томонидан уриб туширилгани ҳақидаги иддаоси танқидлар остида қолганидан кейин истеъfogа чиқди.
Изоҳ (0)