Тошкентнинг аҳоли гавжум ҳудудларида 170 та “мини-поликлиника” иш бошлаши ҳақида хабар берилган эди. Ушбу тиббиёт пунктлари учун Зангиотадаги шифохоналарда ишлатилган контейнерлардан фойдаланилади.
Тошкент шаҳар ҳокими вазифасини бажарувчи Бахтиёр Раҳмонов қарорига кўра, “Зангиота-1” ва “Зангиота-2” шифохоналари ҳудудида аввал ўрнатилган 40 та контейнерни қайта жиҳозлаш учун 900 миллион сўм ажратилади.
Маблағлар Тошкент шаҳар маҳаллий бюджети маблағлари захирасидан ажратилиб, контейнерларни таъмирлаш ва коммуникацияларни (сув таъминоти, иссиқлик, канализация ҳамда электр таъминоти) ётқизиш учун сарфланади.
Ҳужжатга кўра, 2023 йил охиригача Тошкент шаҳрининг барча туманларида жами 170 та мини поликлиника ташкил этилади. Улар пойтахтнинг аҳоли гавжум бўлган кўп қаватли уйлари ёнига ўрнатилиши мўлжалланган.
Изоҳ (0)