Андижонда ўн олтинчи давлат хизматлари маркази биноси фойдаланишга топширилди. Адлия органларининг барчаси ушбу бинода жойлаштирилган. Бу ҳақда “Дарё” мухбири Умиджон Мамарасулов хабар бермоқда.
- Фото: “Дарё”
Вилоят адлия бошқармаси ахборот хизматининг маълумот беришича, мазкур марказнинг аввалги биноси ўта таъмирталаб ҳолга келиб қолган бўлган. Шу сабаб бино айни кундаги талабларга жавоб бермаган ва фуқароларга ноқулайликлар туғдирган.
- Фото: “Дарё”
Марказ қурилиши замонавий шаҳарсозлик меъёрларига мос келади, фуқаролар ва юридик шахслар учун кенг шароитлар яратилишига алоҳида эътибор қаратилган. Марказда электрон навбат тизими, маълумот киоски, ўз -ўзига электрон хизматлар олиш бурчаги, инвесторлар, ID-карта ва хорижга чиқиш биометрик паспортини бериш хонаси, банк шохобчаси жойлашган. Шу жумладан, марказга келган фуқароларнинг эркин давлат хизматларидан фойдаланишининг турли имкониятлари ҳақида хабардорлигини ошириш мақсадида маълумотнома стендлари ва кўргазмали плакатлар ўрнатилган.
Бундан ташқари, давлат хизматларидан экстерриториал асосида, яъни яшаш ва рўйхатдан ўтган манзилидан қатъи назар фойдаланиши мумкин. Бу ерда 190 га яқин давлат хизматларидан фойдаланиш имконияти яратилган. Марказда бир вақтнинг ўзида 10 нафар, бир кунда 200 нафар фуқарога хизмат кўрсатиш имконияти яратилган, — дейди бошқарма ахборот хизмати масъули.
- Фото: “Дарё”
Қўшимча қилинишича, ушбу иморатда адлия бўлими, юридик хизмат кўрсатиш маркази, Фуқаролик ҳолати далолатномасини ёзиш бўлими ва давлат хизматлари маркази жойлашган бўлиб, ҳудуд аҳолисига қулайлик яратади.
Изоҳ (0)