Қозоғистоннинг биринчи президенти Нурсултон Назарбоев юрагидан операция бўлганидан кейин касалхонадан чиқарилди.
“Унинг аҳволи барқарорлашгани ва яхшилангани боис касалхонадан чиқарилди”, — дейилади Миллий илмий кардиожарроҳлик маркази хабарида.
20 январь куни эрталаб 82 ёшли Назарбоев касалхонага ётқизилгани ҳақида хабарлар тарқалди. Кейинроқ Назарбоевнинг матбуот котиби Айдос Укибай собиқ президент операция қилинганини ва жарроҳлик амалиёти муваффақиятли ўтганини айтди.
“Биринчи президентнинг ҳаётига ҳеч қандай хавф ёъқ. Операция Миллий кардиожарроҳлик илмий марказида ўтказилди”, — деди у.
Назарбоевнинг соғлиғидаги муаммолар
2021 йил охирроғида Нурсултон Назарбоев умуртқасини операция қилдиргани давлат раҳбари лавозимидан кетишининг сабабларидан бири эканини тан олганди. Назарбоев соғлиғи билан боғлиқ муаммолар катта оммавий тадбир вақтида 2011 йилда кузатила бошлаган. Қозоғистон биринчи президенти 1940 йил 6 июль куни туғилган.
Изоҳ (0)