АҚШ резиденти Дональд Трамп тинчлик бўйича Нобель мукофотини олишни жуда хоҳлайди, бироқ бунга эришаман деб ўйламайди. Бу ҳақда Оқ уй вакилига иқтибос келтирган ҳолда NBC телеканали маълум қилди.
“Президент тинчлик бўйича Нобель мукофотига лойиқ эканини ҳис қилади, лекин уни қўлга кирита олишини ўйламайди. Унинг таъкидлашича, у Дональд Трампнинг ўзига эмас, балки Дональд Трампнинг фикрлари ҳақида ёзган одамга насиб этади”, деди телеканал суҳбатдоши.
Трампнинг биринчи маъмурияти ходими, ўз навбатида, Америка етакчиси мукофотни “ҳақиқатан ҳам хоҳлашини”, аммо “бу ҳақда гапиришни истамаслигини” таъкидлаган.
Оқ уй Трампнинг турли давлатлар, жумладан, Исроил ва Эрон, Арманистон ва Озарбайжон, Камбоджа ва Таиланд, Руанда ва Конго Демократик Республикаси ўртасида тинчлик битимларини тузишдаги ролига урғу берган.
Трампнинг Ҳиндистон ва Покистон ўртасидаги можарони ҳал қилишга уринишларига алоҳида эътибор қаратилмоқда, бироқ Ҳиндистон томонининг ўзи Трампнинг бу масалага қўшган ҳиссасини рад этмоқда.
“Президент ярим йил ичида ҳар ойда тахминан битта тинчлик шартномаси ёки сулҳ тузишда воситачилик қилди. Президент Трампга тинчлик бўйича Нобель мукофотини топширишнинг айни вақти”, дейди Оқ уй матбуот котиби Каролин Левитт.
АҚШ президенти собиқ маслаҳатчиларининг сўзларига кўра, Трамп илгари бу мавзуга бефарқ муносабатда бўлган бўлса, энди мукофот олишдан шахсан манфаатдор ва бу масалани оммавий ва ёпиқ учрашувларда мунтазам равишда кўтариб чиқади.
Бир қатор мамлакатларда Трампнинг мукофотга номзодини қўллаб-қувватлашга оммавий чақириқлар аллақачон янграмоқда. Бироқ Норвегия таҳлил марказларининг баҳоларига кўра, у ҳали 2025 йилги Нобель мукофоти учун фаворитлар қаторига кирмайди.
Нобель қўмитаси вакилларининг таъкидлашича, қарор босим ва оммавий кампаниялардан қатъи назар қабул қилинади.
Шу билан бирга, Оқ уй маъмурияти Трампнинг тинчлик бўйича Нобель мукофотига номзодини қўллаб-қувватлаган давлатлар рўйхатини эълон қилди.
Хабарда айтилишича, Трампни Озарбайжон президенти Илҳом Алиев, Арманистон бош вазири Никол Пашинян, Камбоджа бош вазири Хун Сен, Габон президенти Браис Олиги Нгема, Исроил бош вазири Биньямин Нетаньяху, Покистон ҳукумати ва Руанда Республикаси ташқи ишлар вазири Оливе Ндухунгирехе қўллаб-қувватламоқда.
Изоҳ (0)