Украина президенти Владимир Зеленский мамлакатга ҳозир қандай қуроллар кераклигини маълум қилди. У Германиянинг ARD телеканалига берган интервьюсида бу ҳақда маълумот берди.
Президент Украина ва Россия аҳолиси жанг майдонида турли мотивларга эга эканини таъкидлади. У рус ҳарбийлари Украинага нима учун келганини тушунмаётгани, украиналик аскарлар эса ўлиши мумкинлигини билса ҳам ўз уйини ҳимоя қилаётганини айтди.
«Украина жанг майдонида ҳимояга муҳтож. Бизга артиллерия, ўт очувчи реактив тизим, зирҳли ва ҳар хил турдаги пиёда жанговар машиналар муҳим. Танклар керак, яширадиган ҳеч нарса йўқ, бизда ҳақиқатан ҳам танклар етишмаяпти. Юқорида санаб ўтган ракеталар учун снарядлар ҳам етишмаяпти», — деди у.
Зеленский IRIS-T тизими учун Германиядан миннатдор эканини ҳам таъкидлаб ўтди.
«Бу яхши тизим, бизда бундай қуроллар кўпроқ бўлишини хоҳлаймиз. Шольц ваъда берди, канцлерга ишонамиз. NASAMS, Patriot ва бошқа қуролларни кутиб қоламиз», — деди Зеленский ва Украинага самолёт ва узоқ масофали ракеталар ҳам кераклигини айтди.
Мавзуга доир:
Изоҳ (0)