Москвада маъмурий биноларга ҳаво ҳужумига қарши мудофаа тизимлари ўрнатила бошлади. Фото ва видеолар ижтимоий тармоқларда тарқалмоқда.
Мудофаа тизимлари ўрнатилаётган бинолар орасида Россия Мудофаа вазирлиги ҳам бор. Видеода ҳарбий кийимдаги кишилар кран ёрдамида томга Россия техникасини чиқариб қўяётганини кўриш мумкин. Таъкидланишича, у, катта эҳтимол билан, Панцирь-С1 зенитли ракета-замбарак мажмуасидир.
Эслатиб ўтамиз, АҚШ ҳукумати Украинага қурол-яроғларни улардан Россия ҳудудларига зарбалар беришда фойдаланмаслик шарти билан етказиб бермоқда. АҚШ ҳукумати Россияга зарбалар берилишига имконият яратиш орқали «қизил чизиқ»ни босиб ўтишни истамайди, чунки бу Россия ҳукуматини ядро қуролидан фойдаланишга гижгижлаши мумкин.
Бироқ АҚШ Украинани Қримдаги нишонларга зарба бериш имконига эга воситалар билан таъминлаш масаласи бўйича ўз позициясини аста-секин юмшатаётгани хабар берилди.
Мавзуга доир:
Изоҳ (0)