Rossiya Mudofaa vazirligi binosi tomiga havo hujumiga qarshi mudofaa tizimi o‘rnatildi (foto va video)
Moskvada ma’muriy binolarga havo hujumiga qarshi mudofaa tizimlari o‘rnatila boshladi. Foto va videolar ijtimoiy tarmoqlarda tarqalmoqda.
Mudofaa tizimlari o‘rnatilayotgan binolar orasida Rossiya Mudofaa vazirligi ham bor. Videoda harbiy kiyimdagi kishilar kran yordamida tomga Rossiya texnikasini chiqarib qo‘yayotganini ko‘rish mumkin. Ta’kidlanishicha, u, katta ehtimol bilan, Pansir-S1 zenitli raketa-zambarak majmuasidir.
Eslatib o‘tamiz, AQSH hukumati Ukrainaga qurol-yarog‘larni ulardan Rossiya hududlariga zarbalar berishda foydalanmaslik sharti bilan yetkazib bermoqda. AQSH hukumati Rossiyaga zarbalar berilishiga imkoniyat yaratish orqali “qizil chiziq”ni bosib o‘tishni istamaydi, chunki bu Rossiya hukumatini yadro qurolidan foydalanishga gijgijlashi mumkin.
Biroq AQSH Ukrainani Qrimdagi nishonlarga zarba berish imkoniga ega vositalar bilan ta’minlash masalasi bo‘yicha o‘z pozitsiyasini asta-sekin yumshatayotgani xabar berildi.
Mavzuga doir:
- Rossiya aerodromlariga hujum qilgan dronlar Ukrainadan uchirilgan — NYT
- Ukraina 2 ta aerodromga dronlar bilan zarba berishga urindi — Rossiya Mudofaa vazirligi
