Москвада Россия президенти Владимир Путиннинг Ново-Огарёводаги қароргоҳидан атиги 10 километр узоқликда «Панцир-C1» ҳаво ҳужумидан мудофаа тизими ўрнатилди. «Сирена» Telegram канали бу ҳақда маълумот берди.
Аввалроқ Россия Мудофаа вазирлиги биноси томига ҳаво ҳужумига қарши мудофаа тизими ўрнатилган, кейинчалик бу тизим бошқа объектларда ҳам қайд этилган. Жумладан, «Газпром Ави» ҳарбий ва бизнес аэропорти жойлашган «Остафево» аэродромидан 2 километр узоқликда «Панцир-C1» тизими ўрнатилган.
Ҳаво ҳужумидан мудофаа тизими Воскресенское қишлоғи яқинида ҳам қайд этилган. Путиннинг Ново-Огарёводаги қароргоҳидан атиги 10 километр узоқликдаги Зарече қишлоғи яқинида ҳам мудофаа тизими аниқланган.
Ижтимоий тармоқларда Москва яқинида жами бешта ҳаво мудофаа тизими ўрнатилгани, улардан фақат биттаси фаоллашгани таъкидланади.
«Панцир-C1» — бу Россиянинг қуруқликда ва денгизга мўлжалланган ўзиюрар зенит-ракета ва қурол тизими. Комплекс СССР ва Россия ҳарбий-саноат комплексининг бир қатор тузилмалари томонидан ишлаб чиқилган.
Мавзуга доир:
Изоҳ (0)