15 дақиқада тайёр бўладиган мазали ва тўйимли 4 хил таом

Баъзан овқат пиширишга кўп вақт сарфлашни хоҳламайсиз ва етказиб бериш хизматидан фойдаланасиз, бу эса ортиқча маблағ сарфлашга сабаб бўлади. Британиялик ошпаз ва The Telegraph шарҳловчиси Кети Бескоу дунё бўйлаб тўртта оригинал, осон тайёрланадиган ва энг муҳими, кечки овқат ёки тушликда истеъмол қилса бўладиган рецептларни тақдим этди.

Қўзиқорин қўшиб тайёрланадиган қуймоқлар

Тўрт кишилик порция учун керакли масаллиқлар: 

• қўзиқорин — 500 г
• 1 ош қошиқ Хитой зираворлар аралашмаси (Хитой долчини, қизилмия, Сичуан қалампири, чиннигуллар ва арпабодиён уруғлари)
• катта чимдим қуритилган ва майда тўғралган чили қалампири;
• бир чимдим денгиз тузи;
• 1 қошиқ соя соуси;
• буғдой унидан тайёрланган бир нечта тайёр (ёки музлатилган) қуймоқлар;
• 5 қошиқ Хойсин соуси;
• бироз тўғралган кўкпиёз;
• 1 та бодринг.

1. Печни 180 даража ҳароратда олдиндан қиздиринг;
2. Барча қўзиқоринларни листга қўйинг;
3. Уларга Хитой зираворлари аралашмаси, чили ва денгиз тузи, соя соусини сепинг.
4. Қўзиқоринларни 10-12 дақиқа давомида печда пишириб олинг.
5. Бу орада қуймоқларни буғда ёки қиздирилган идишда қиздиринг.
6. Пишган қўзиқоринларни кўкпиёз, бодринг ва Хойсин соуси билан аралаштиринг.
7. Қуймоқларнинг ичига қўзиқоринларни солиб дастурхонга тортишингиз мумкин.

Тўрт кишилик порция учун керакли масаллиқлар:

• 2 қошиқ зайтун ёғи
• 1 дона майда тўғралган пиёз;
• 1 бош майдаланган саримсоқ;
• ярим чой қошиқ майдаланган долчин;
• ярим чой қошиқ дудланган паприка;
• ярим чой қошиқ қуритилган орегано;
• 400 г консерваланган помидор;
• ярмидан кесилган 4 та катта помидор;
• 400 г консерваланган яшил ясмиқ (сувини банкадан тўкиб ташланг ва ювинг);
• 1 қошиқ хамиртуруш экстракти;
• бўлакларга бўлинган 2 та бақлажон;
• 8 қошиқ шакарсиз йогурт;
• бир чимдим мускат ёнғоғи;
• бир чимдим денгиз тузи;
• бироз майда тўғралган петрушка.

1. Катта идишда 1 қошиқ зайтун мойини ўртача оловда қиздиринг ва пиёзни солиб икки-уч дақиқа давомида қовуринг.
2. Унга саримсоқ, долчин, қизил қалампир ва орегано қўшинг ва аралаштириб, яна бир дақиқа пиширинг.
3. Идишга консерваланган помидор, ясмиқ, хамиртуруш экстракти қўшинг ва 10 дақиқа давомида пиширинг.
4. Грил идишини қиздиринг, бақлажон бўлакларига қолган зайтун ёғини суртинг ва уларни товага солинг. Бақлажонларни икки-уч дақиқа давомида ҳар томонидан қовуринг.
5. Товага помидорларни солинг ва уни ҳам бир дақиқага яқин вақт давомида қовуринг.
6. Пиширилган ясмиқларни бақлажон бўлаклари ва помидорнинг ярми билан бирга тарелкаларга жойлаштиринг.
7. Таомнинг устига йогурт солиб, мускат ёнғоғи, денгиз тузи ва петрушка сепиб дастурхонга тортинг.

Керакли масаллиқлар: 

• 2 та буғдой унидан тайёрланган тортилла
• 1 қошиқ зайтун мойи;
• 1 ўсимлик ёғи;
• 1 дона майда тўғралган оқ пиёз;
• 1 дона майда тўғралган қизил қалампир;
• 1 дона майда тўғралган сариқ қалампир;
• таъбга кўра яшил ловия;
• 1 қошиқ чили қалампири кукуни;
• 1 қошиқ дудланган паприка;
• ярим чой қошиқ саримсоқ кукуни;
• ярим чой қошиқ майдаланган зира;
• 1 чой қошиқ хамиртуруш экстракти;
• 1 банка (400 г) консерваланган қизил ловия (сувини тўкиб ташланг ва ловияни ювинг);
• ярмидан кесилган 6 дона черри помидори
• 1 та майда тўғралган авокадо;
• 1 кичик майда тўғралган яшил чили қалампири;
• 1 та лайм шарбати;
• бироз тўғралган кинза;
• бир чимдим денгиз тузи.

1. Печни 200 даража ҳароратда олдиндан қиздиринг.
2. Тортиллаларни кичик учбурчак шаклида кесиб олинг ва листга жойлаштиринг (агар сиз маҳсулотларни дастурхонга тортаётган пайтда солсангиз, уларни кесманг). Унга зайтун ёғини солинг ва қизаргунга қадар 8-10 дақиқа давомида пиширинг.
3. Шунингдек, бу вақт оралиғида ўсимлик ёғини катта идишларда ўртача оловда қиздиринг ва пиёз, қалампирни (қизил ва сариқ) икки-уч дақиқа давомида қовуринг.
4. Кейин товага яшил ловия, чили кукуни, дудланган паприка, саримсоқ кукуни ва зирани солинг. Уларни тахминан бир дақиқа давомида пиширинг.
5. Маҳсулотларга хамиртуруш экстракти, қизил ловия қўшинг ва яна 10 дақиқа қайнатиб олинг.
6. Товани оловдан олинг ва таомга черри помидорлари, авокадо ва яшил қалампир солинг. Устидан лайм шарбатини қуйинг.
7. Таомни тарелкаларга солинг ва четига учбурчак шаклидаги тортиллаларни қўйинг (агар тортиллалар бутун бўлса, унга сабзавот аралашмасини солиб ўранг).
8. Таъбингизга қараб ҳар бир маҳсулотга кинза ва денгиз тузини қўшинг.

Керакли масаллиқлар:

• 1 қошиқ зайтун ёғи;
• 1 дона майда тўғралган оқ пиёз;
• 1 ош қошиқ томат пастаси;
• 2 чой қошиқ харисса (чили қалампири, саримсоқ ва зираворлардан тайёрланган аччиқ хамир);
• 1 дона ёпилган нон;
• бир ҳовуч исмалоқ барглари;
• 1 ош қошиқ қарағай ёнғоқлари;
• 1 ош қошиқ анор уруғи;
• бир ҳовуч тўғралган петрушка;
• таъбга кўра лимон шарбати.

1. Қиздирилган идишда зайтун мойини ўрта оловда қиздиринг ва пиёзни қизаргунга қадар саккиз дақиқа давомида қовуринг.
2. Печни 200 даража ҳароратда олдиндан қиздиринг.
3. Томат пастаси ва хариссани аралаштиринг. Ушбу аралашмани ноннинг устига ёйиб, листга қўйинг.
4. Устига исмалоқ баргларини солиб, қолган қисмига зайтун мойини солинг.
5. Қовурилган пиёз ва қарағай ёнғоқларини кейинги қатламга ёйинг.
6. Пиццани беш-олти дақиқа давомида пиширинг, сўнг уни печдан олинг ва устига анор уруғи, петрушкани сепинг.
7. Таомни дастурхонга тортишдан олдин устига лимон шарбатини сепинг.

• Товуқ гўшти, исмалоқ ва пишлоқ қўшиб тайёрланадиган егулик рецепти.
• Мол гўшти, нўхат ва сабзи қўшиб тайёрланадиган мазали салат рецепти.
• Товуқ гўштли, олмали: Оливье салатининг 4 хил ноодатий рецепти.
• Ясмиқ қўшиб туркча қовоқли шўрва тайёрлаймиз.