Qishning sovuq oqshomlarida tez tayyorlanadigan yumshoq, mazali pechenye va bir piyola issiq choy ham insonga kayfiyat bag‘ishlaydi. “Eriyotgan qor” pechenyelari haqiqatan ham og‘izda eriydi va uni tayyorlash uchun sizga oddiy oshxonada topiladigan va arzon mahsulotlar kerak bo‘ladi. Biroz limonning nordon ta’mi keluvchi shirinlik pechda 15 daqiqa davomida pishiriladi, xamirni tayyorlash uchun ham shuncha vaqt sarflanadi.
Kerakli masalliqlar:
- sariyog‘ — 125 g;
- un — 200-210 g;
- kartoshka yoki makkajo‘xori kraxmali — 2 osh qoshiq;
- limon sharbati — 1 osh qoshiq;
- o‘simlik yog‘i — 4 osh qoshiq;
- shakar kukuni — 2-3 osh qoshiq;
- vanilin — 1 choy qoshiq.
- Yumshatilgan sariyog‘ni idishga soling va unga shakar kukuni, vanilin, limon sharbati va o‘simlik yog‘ini qo‘shing.
- Mahsulotlarni mikser yordamida aralashtiring yoki venchik bilan yaxshi aralashguncha ko‘pirtiring.
- Idishga kraxmal soling va aralashtiring.
- Bir piyola ichida unni elakdan o‘tkazing. Xamirni avval qoshiq bilan aralashtiring, keyin qo‘llaringiz bilan qoring.
- Xamirni uch qismga bo‘ling, ularning har birining diametri taxminan uch santimetr bo‘lgan shaklda yoyilishi kerak.
- Har bir xamir bo‘laklari bir-ikki santimetr kengligida bo‘laklarga bo‘linib, ularni bir-biriga yaqin masofada pergament qog‘ozi bilan qoplangan listga qo‘ying.
- Pechenyelarni 15 daqiqa davomida 180 daraja haroratda isitilgan pechga qo‘ying. Ularni qizarguncha pishirib oling.
- Tayyor pechenyelarning har tomoniga shakar kukunini seping va dasturxonga torting. Pechenyelarni tayyorlash uchun sizga umumiy 30 daqiqa vaqt kerak bo‘ladi.
Mavzuga doir:
Izoh (0)