Англиянинг Deloitte аудиторлик компанияси ҳисоботларига кўра, дунёнинг энг бой 20 та клубидан 11 таси АПЛ вакилларидир.
Биринчи ўринни 2021/22 йилги мавсумда 731 миллион евро даромад кўрган «Манчестер Сити» эгаллаган. Иккинчи ўриндан «Реал» (713,8 миллион евро), учинчи ўриндан «Ливерпуль» (701,7 миллион евро) жой олган.
Тарихда биринчи бор топ-20 талик рўйхатнинг ярмидан кўпи АПЛ вакилларидан ташкил топган. «Ливерпуль» 27 йиллик ҳисобот тарихида илк бор «Манчестер Юнайтед»ни ортда қолдириб, 3-ўринга кўтарилиб олди.
«Барселона» ва «Реал» пандемиядан олдинги даромад кўрсаткичларини қайтара олмаяпти. Таққослаш учун «Барселона»нинг ҳозирги даромади 2018/19 йилги мавсумга қараганда 203 миллион, «Реал»нинг даромади эса 43 миллион еврога пасайган.
Топ-20 талик қуйидагича кўриниш олган:
1. «Манчестер Сити» (731 млн евро);
2. «Реал» (713,8 млн евро);
3. «Ливерпуль» (701,7 млн евро);
4. «Манчестер Юнайтед» (688,6 млн евро);
5. «ПСЖ» (654,2 млн евро);
6. «Бавария» (653,6 млн евро);
7. «Барселона» (638,2 млн евро);
8. «Челси» (568,3 млн евро);
9. «Тоттенҳэм» (523 млн евро);
10. «Арсенал» (433,5 млн евро);
11. «Ювентус» (400,6 млн евро);
12. «Атлетико» (393,9 млн евро);
13. «Боруссия Д» (356,9 млн евро);
14. «Интер» (308,4 млн евро);
15. «Вест Ҳэм» (301,2 млн евро);
16. «Милан» (264,9 млн евро);
17. «Лестер» (252,2 млн евро);
18. «Лидс» (223,4 млн евро);
19. «Эвертон» (213,7 млн евро);
20. «Ньюкасл» (212,3 млн евро).
Изоҳ (0)