Жаҳон иқтисодий форуми етакчи экспертларининг деярли учдан икки қисми 2023 йилда жаҳон иқтисодиётида рецессия кутилмоқда, деб ҳисоблайди. Бу ҳақда Давосдаги форумнинг очилиш ҳисоботига таяниб, «Коммерсантъ» хабар бермоқда.
Сўровномада халқаро институтлар (жумладан, ХВЖ), инвестиция банклари, трансмиллий корпорациялар ва қайта суғурталаш гуруҳларидан 22 нафар юқори мартабали иқтисодчи иштирок этди.
Респондентларнинг 45 фоизи келгуси йилдаги глобал рецессияни «аниқроқ», 18 фоизи эса «эҳтимол юқори» деб ҳисоблайди. Уларнинг 32 фоизи рецессияни «даргумон» деб билади.
Шунингдек, респондентларнинг 100 фоизи 2023 йилда Европада «заиф» ва «жуда заиф» ўсишни, Бундай кутилма АҚШ учун уларнинг 91 фоизи томонидан билдирилган. Бу кўрсаткич сентябрда мос равишда 86 фоиз ва 64 фоиз эди.
Ўзгаришлар Украинадаги урушнинг Европага таъсирининг кучайиши, шунингдек, етакчи марказий банклар томонидан фоиз ставкаларини ошириш оқибатлари билан боғлиқ.
Хитойга нисбатан фикрлар иккига бўлинган: экспертларнинг 50 фоизи ўсиш заиф, 50 фоизи кучли бўлишига ишонади.
Инфляция прогнозлари дунё минтақалари бўйича сезиларли даражада фарқ қилади, Европада респондентларнинг 57 фоизи, Хитойда эса 5 фоизи нархларнинг юқори ўсиши юз беришини кутмоқда.
«Кўпчилик респондентлар энергия ва озиқ-овқат харажатлари юқори ва паст даромадли мамлакатлардаги уй хўжаликларига салбий таъсир кўрсатишда давом этишига ишонади», — деб таъкидланади ҳисоботда.
Форумнинг бошқарувчи директори Саадия Зоҳидийга кўра, ҳозирги юқори инфляция, паст ўсиш, юқори левераж ва юқори даражадаги парчаланиш ўсишни тиклаш ва заиф қатламларнинг турмуш даражасини яхшилаш учун зарур бўлган инвестициялар учун рағбатларни пасайтиради.
Мутахассислар томонидан қайд этилган ижобий омиллар қаторида уй хўжаликлари балансининг мустаҳкамлиги, инфляциянинг энг юқори чўққисини босиб ўтгани, меҳнат бозори барқарорлиги ҳам бор.
Изоҳ (0)