Россия нефтининг Болтиқ денгизи портларидан Осиё мамлакатларига экспорти 2022 йилнинг декабрь ойининг шу даврига нисбатан 1—15 январда 27 фоизга ошиб, 2,8 миллион тоннани ташкил этди. Бу ҳақда Reuters хабар бермоқда.
Агентлик маълумотларига кўра, Россия ва Қозоғистон нефтининг Приморск ва Уст-Луга портларидан 1—15 январгача экспорти декабрдаги 2,5 миллион тоннадан 3,4 миллион тоннагача ошган.
Жумладан, Россиядан 3,1 миллион тонна нефть экспорти қилинган. Бу декабрь ойининг шу даврига нисбатан 35 фоизга кўпдир.
Савдогарларнинг фикрига кўра, январь ойида Россия нефтининг асосий импортчилари Ҳиндистон ва Хитойдир.
Reuters маълумотларига кўра, Россия 2022 йил декабрь ойида Урал нефтини Хитойга экспорт қилиш учун камида тўртта ВЛCC супертанкерини ва жорий йилнинг январь ойида Ҳиндистонга етказиб бериш учун биттасини жойлаштирган.
Трейдерларнинг қайд этишича, бу нефтни Осиёга ташиш харажатларини камайтириш имконини беради.
Европа Иттифоқининг нефть эмбаргоси кучга киргандан сўнг ва Россия энергия ресурсларини оффшордан етказиб бериш бўйича нарх чегараси жорий этилгандан сўнг, Россия нефть экспортини Осиё-Тинч океани минтақасига йўналтирди.
Нархлар чегараси ўтган йилнинг 5 декабридан бери амалда бўлиб, бир баррель учун 60 долларни ташкил этади.
Россия президенти Владимир Путин нархларнинг юқори чегарасини белгиловчи шартномалар бўйича нефть етказиб беришни тақиқлади. Reuters маълумотларига кўра, Россия нефтни Хитой ва Ҳиндистонга катта чегирма билан сотади.
Изоҳ (0)