Россия президенти Владимир Путин 17 январь куни видеоконференция орқали иқтисодий масалаларга бағишланган йиғилишда Марказий Осиёнинг айрим мамлакатларидаги аномал совуқни изоҳлади. Бу ҳақда «Kremlin.ru» хабар берди.
Йиғилишда Путин Россия бош вазири Михаил Мишустиндан агросаноат мажмуасида фаолият юритувчи компанияларнинг молиявий натижаларини таъминлашни сўради. У ҳамма нарсани чет элга ташишга йўл қўйиб бўлмаслигини қайд этди. Россия президенти мамлакатга захиралар кераклигини таъкидлади.
«Қишлоқ хўжалигининг 2023 йилдаги натижасини билмаймиз. Қаранг, ҳозир нима бўляпти: Европада ҳаво илиқ, Туркманистон президенти Сердар Бердимуҳамедов билан телефонда гаплашдим. У ерда ҳарорат -25 даража совуқ. Туркманистонда! Ўзбекистонда -23. Россияда вазият қандай бўлишини аниқ айта олмаймиз. Шундай экан, бизга барқарор захиралар керак. Уни сақлаб қолиш керак», — деди Россия раҳбари.
Марказий Осиё давлатларида аномал совуқ кузатилмоқда, Афғонистонда ҳаво ҳароратининг совиши ортидан саккиз мингга яқин жонивор нобуд бўлган. Улар орасида сигир, туя, қўй ва отлар ҳам бор. Республикада аномал совуқдан ҳозиргача 43 киши ҳалок бўлди. Улар орасида аёллар ва болалар ҳам бор.
Изоҳ (1)
Putinga ishonch yoʻq xozir. U uchun zaxiralari bor davlat kerak. Shuni uchun shunday qadam tashlamoqda. Gaz bilan bizni aldamoqchi. Bizga gaz keragi yoʻq OʻZBEKISTON mustaqil hammasini oʻzimiz hal qilamiz. Toʻgʻri kimlardir pullarni yeb yuboryapti. Lekin, oʻsha odam ham Oʻzbekistondaku. Pullar tashqariga chiqib ketmasa boʻldi. Prezidentimizni biz qoʻllab quvvatlaymiz. Gaz, toʻk boʻlmasa ham erkinlikka nima yetsin. Harakat qilsak Hammasi zoʻr boʻladi )))