AQSH prezidenti Jo Bayden Rossiya davlat rahbari Vladimir Putinni harbiy jinoyatlar uchun sud qilish lozimligi haqida gapirdi, deya xabar qilgan Associated Press.
“Buchada nima bo‘lganini ko‘rdik”, — degan Putin harbiy jinoyatchi ekanini yana bir bor eslatib Bayden.
Avval u Rossiya prezidentini mart o‘rtalarida “harbiy jinoyatchi”, “qassob” deb ta’riflagandi. Kreml Baydenning bu kabi ayblovlarini o‘rinsizligi, bu haqda yuz minglab odamlarni bomba tashlab halok qilgan mamlakat rahbarining aytishi kechirib bo‘lmas xato ekanligini qayd etgan.
AQSH prezidenti jurnalistlar bilan suhbatda Ukraina hududida sodir bo‘lgan voqea-hodisalar haqidagi xabarlardan keyin Rossiyaga qarshi yangi qo‘shimcha sanksiyalar qo‘llanilishini ma’lum qilgan.
“Ukraina kurashni davom ettirishi uchun mamlakatga qurol-yarog‘ yetkazib berishda davom etishimiz kerak. Kiyev viloyatidagi harbiy jinoyatlarga aloqador ma’lumotlarni sud jarayoni uchun to‘plash zarur”, — deya qo‘shimcha qilgan Bayden.
Shuningdek, AQSH davlat rahbari Ukrainadagi voqealarni genotsid deya olmasligini bildirgan, deya qayd etiladi Associated Press xabarida.
Rossiyalik harbiylar bir necha hafta davomida hududda bo‘lganidan keyin Kiyev viloyatidan chiqib ketgach, Buchada va Ukrainaning boshqa aholi yashash punktlarida minglab tinch aholi vakillarining jasadlari ko‘chalarda qoldirilgani ma’lum bo‘ldi. Kiyev viloyatidagi manzara aks etgan video va fotosuratlar, nafaqat Ukraina hukumati, balki xalqaro axborot agentliklari tomonidan e’lon qilindi.Mavzuga doir: Bucha fojiasi. 3-aprelning asosiy voqealari
Rossiya hukumati Kiyevda tinch aholi vakillarining o‘ldirilgani haqidagi xabarlar Ukraina hukumati tomonidan “sahnalashtirilgani” va “provokatsiya” ekanligini bildirgan.Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
