Хоразм вилоятидаги мактаб ва боғчалар учун таътил муддати чўзилди. Бу ҳақда вилоят ҳокимлиги ахборот хизмати хабар қилди.
Қайд этилишича, вилоят ҳудудида кузатилаётган аномал совуқ ҳамда ота-оналарнинг мурожаатларини эътиборга олиб, Хоразм вилоятининг умумтаълим мактаблари ва мактабгача таълим ташкилотларида 13—14 январь кунлари қўшимча таътил берилади.
«Мактабларда дарс машғулотлари ва мактабгача таълим ташкилотлари фаолияти 2023 йил 16 январдан бошланади», — дейилади хабарда.
Аввалроқ Қорақалпоғистондаги таълим муассасаларида ҳам таътил муддати 16 январгача узайтирилганди.
Изоҳ (1)
Qoyil. Juda sovuq Xorazm viloyati