2022 йилда Ўзбекистон интернет хизматларидан фойдаланишни чеклашдан 219,7 миллион доллар зарар кўрди. Бу ҳақда Top10VPN хабар берди.
Маълумотларга кўра, ушбу зарар миқдори бўйича мамлакат дунёда бешинчи ўринни эгаллайди.
Қайд этилишича, мамлакатдаги чекловларнинг умумий муддати 5 630 соат ёки 234 кундан ортиқни ташкил қилган. Ҳаммаси бўлиб, улар 1,28 миллион кишига таъсир кўрсатган.
Ушбу рейтингда биринчи ўринни Россия эгаллади, унинг иқтисодиёти чекловлар туфайли 21,6 миллиард доллар ёъқотган.Ўтган йил давомида Роскомнадзор бир қатор йирик хорижий ижтимоий тармоқлар: Facebook ва Instagram, Twitter ва бошқа хизматларни блоклаган.
Иккинчи ўринда Эрон (773 миллион доллар), учинчи ўринда Қозоғистон (410 миллион доллар) ва тўртинчи ўринда Myанма (241,4 миллион доллар) жойлашган.
2021 йил июль ойида Ўзбекистонда TikTok ва Twitterънинг очилиши секинлашди. 2 июль куни эса айрим ижтимоий тармоқлар, хусусан, TikTokъдан фойдаланиш расман чекланди. 2022 йилнинг февраль ойида Ўзбекистонда TikTokъни бутунлай блоклаш таклиф қилинганди.
2022 йилнинг 16 март куни Ўзбекистонда Twitter ва TikTok VPN иловаларисиз ишлай бошлаган. Biroқ кўп ўтмай ижтимоий тармоқларга кириш яна чекланганди.
Аввалроқ — 2022 йил 25 март куни Skype Ўзбекистонда эркин очила бошлаган эди. У ҳам TikTok ва Twitter каби фуқароларнинг шахсга доир маълумотлар тўғрисидаги қонун ҳужжатларини бузувчилар реестрига киритилганди.
Мавзуга доир: Ўзбекистонда Telegram, ЁуТубе, Instagram, Facebook, “Одноклассники” фаолияти расман чекланди
Изоҳ (0)