Жаҳон банки доимий юқори инфляция туфайли 2023 йил учун глобал иқтисодий ўсиш прогнозини кескин пасайтирди. (пдф.)
Жаҳон банкининг ҳисоботида қайд этилишича, жорий йилда жаҳон ялпи ички маҳсулоти 1,7 фоизга ўсади. Олти ой олдин бу кўрсаткич 3 фоизга ўсиши кутилаётган эди.
Глобал иқтисодий ўсиш суръатларининг секинлашиши унинг рецессияга яқинлашаётганидан далолат беради.
Аҳоли жон бошига йиллик жаҳон даромадининг пасайишига юқори инфляция, шунингдек, айрим мамлакатларда пул-кредит сиёсатининг кескинлашуви сабаб бўлади.
Ҳисоботда таъкидланганидек, иқтисодий ривожланиш бўйича жаҳоннинг учта асосий етакчиси –— АҚШ, Европа ва Хитой иқтисодий кўрсаткичларнинг кескин пасайишига дуч келади. Бу эса ривожланаётган мамлакатлар бозорининг ёмонлашувига олиб келади.
Юқоридаги омилларни ҳисобга олган ҳолда Жаҳон банки глобал иқтисодий ўсиш суръатлари 2023 йилда 1,7 фоизга, 2024 йилда эса 2,7 фоизга секинлашишини кутмоқда.
Бундан ташқари, банк ривожланган мамлакатларнинг 95 фоизи ва ривожланаётган мамлакатларнинг 70 фоизи учун 2023 йилга мўлжалланган иқтисодий ўсиш прогнозларини қисқартиришини маълум қилди.
Бу йил АҚШ ялпи ички маҳсулоти 0,5 фоизга ошади. Шу билан бирга, Еврозона иқтисодиёти ҳажми 2022 йилга нисбатан ўзгармайди.
Изоҳ (0)