Фильмларда ўзаро душман ролини ўйнаган актёрларнинг реал ҳаётда дўстлик ришталари қандай боғланган? Қуйида ана шундай актёр-дўстлар бешлиги билан танишинг.
Том Холланд ва Жейк Жилленхол — «Ўргимчак одам: Уйдан узоқда»
Жейк Жилленхол «Ўргимчак одам: Уйдан узоқда» фильми унинг аввал ўйнаган роллари орасида илк бор суперқаҳрамонлик фильми эди. Акйторнинг ўзи маълум қилишича, бу фильм унга кино санъатининг янги турини очиб берди, фильмни суратга олиш чоғида у шунчаки дам олиши мумкин эди. Съёмка жараёнларида Том ва Жейк жуда яқин дўст бўлиб қолишган, буни уларнинг кейинги медиа фаолияти ва ҳаётдаги учрашувларидан ҳам кўриш мумкин. Ушбу фильмдан кейин актёрлар кинода бирга ишламаганига қарамай, улар ҳали ҳам яқин муносабатларни сақлаб қолишади. Қизиғи шундаки, Ўргимчак одам ролини қўлга киритгач, Том ўз мақсадлари рўйхатини тузган. Улардан бири Жейк билан ҳамкорликда ишлаш эди.
Том Фелтон ва Метю Луис — «Гарри Поттер»
Драко Малфой «Гарри Поттер»нинг барча қисмларида ўзгарувчан харакатердаги ҳамда шиддатли феъл-атворли образ сифатида намоён бўлади. Вақт ўтиши билан у мактабда ўзини ёмон ҳис қила бошлайди ва ҳаммадан нафратланади. Ота-онасини қутқариш учун ҳам Дамблдор билан келишувни якунлай олмайди. Бошқа саҳналарда ҳам у Гарри Поттер ва унинг дўстларига бир неча бор ёрдам бергандек намоён бўлади. Ҳатто, «Лаънатланган бола»да Драко ва Гарри бироз дўст тутинишди. Бироқ уни қутқариш лозим бўлганида Драко Гаррига умуман ёрдам бермади ва ўз нафратини ошкор этди. Ҳаётда эса улар доимо яхши дўст бўлишган. Суратга олиш ишлари якунлангач ҳам дўстона муносабатларини сақлаб қолишган. Том Фелтон ўзининг собиқ ҳамкасблари ва айниқса, Метю Луис, Эмма Уотсон ва ака-ука Фелпслар билан тез-тез кўришиб туради.
Леонардо Ди Каприо ва Том Харди — «Омон қолганлар»
Том Харди ва Леонардо Ди Каприонинг «Омон қолганлар» фильмида биргаликда рол ижро этган саҳналари кўп эмас. Сюжетга кўра, бошида бир саҳнада, кейинчалик улар фильмнинг аксар қисмида алоҳида ўтказишади ва фақат фильм сўнггида учрашишади. Ушбу фильмда бирга бирозгина вақт бирга ишлашганига қарамай, Лео ва Том тезда тил топишиб олдилар. Улар ҳатто, Харди бу фильмда ўйнаган роли учун Оскар мукофотидаги «Энг яхши иккинчи даражали эркак роли» номинациясига номзод сифатида кўрилиши борасида баҳслашишди. Ди Каприо Хард мукофот соҳиби бўлади, деб ўйлаган эди. Аммо бундай бўлмади. Якунда Лео ғалаба қозонди. Суратга олишдан сўнг улар фильм учун кичик PR кампаниясини ўтказишди ва тез-тез кинодан ташқарида ҳам учрашишни одат қилдилар. Баъзан улар баскетбол ўйнагани бирга боришади.
Генри Кавилл ва Том Круз — «Mission: Impossible – Фаллоут»
Фильмни суратга олиш жараёнида Генри Кавилл билан дўст бўлмаслик «жиноят»дир. Чунки Том Круз ҳам ўзининг ҳамкасби билан осонликча чиқишиб кетди ва тез орада ўз мухлисларига Генри билан ажойиб дўст бўлиб қолганини маълум қилди. Баъзан ҳеч ким Генрини Томдек, Крузни эса Кавиллчалик ҳайратлантира олмайди. Генри Кавиллнинг айтишича, ўзининг барча трюкларини қойилмақом бажаришига Том уни илҳомлантирган. Том Круз ўзининг барча фильмларида каскадёрлар хизматидан деярли фойдаланмаслиги ҳаммага маълум. Сўнг ювиниш хонасидаги жанг саҳнасида Том Крузга жавобан Генрининг «мушлашиш зарбаси» Томни ҳайратда қолдирди. Кейин эса Кавилл Том тўпиғи сингач, тезда оёққа туриб кетганига ҳайрон бўлди, чунки Кавилл Том энди юролмайди, деган башоратни эшитганди. Буларнинг барчаси экранда бир-бирларини «жиддий» калтаклаган икки актёр дўстлигининг кичик бир бўлагидир.
Хит Леджер ва Кристиан Бэйл — «Қора рицар»
Хит Леджер ва Кристиан Бэйл «Қора рицар» фильмининг суратга олиш майдончасида яқиндан танишади. Афсуски, уларнинг суратга олиш вақтида бошланган дўстлиги узоққа чўзилмайди. Кристиан Бэйл Хит билан мулоқоти узилганидан 4 йил ўтиб, Хит Леджер билан танишганидан, у билан дўстлашганидан ҳамда Хит билан экранларга чиққан ажойиб ижронинг бир қисми бўлганидан фахрланишини айтди. «МТВ Мовиэ Award 2012» вақтида Хит Леджер билан бирга суратга тушган кадрларини кўриб, кўз ёшларини тийиб тура олмади.
Мавзуга доир:
Изоҳ (0)