Россиялик сиёсатшунос Олга Курносова Украина разведкасинингг Россия президенти Владимир Путин оғир хасталиги ва тез орада вафот этиши мумкинлиги ҳақидаги маълумотларига муносабат билдирди. Бу ҳақда «UNIAN» хабар берди.
Сиёсатшуноснинг сўзларига кўра, Кремль бундай маълумотни тасдиқламайди, аммо Путининг саломатлигидаги муаммоларига ишора қилувчи қизиқарли фактлар мавжуд.
«Аслида, Путиннинг касаллиги ҳақида расмий муносабат кутиб бўлмайди,, Песков (Кремль матбуот котиби) эса бундан мустасно. У бундай эмаслигини айтишда давом этади. Кремлда Путиннинг Рождество маросимида иштирок этиши сифатида тарқатилган кадрларга эътибор қаратиш жоиз», — дейди Курносова.
У ҳозир Россия раҳбари билан айнан нима бўлаётганига баҳо бериш қийинлигини айтган. Бироқ, Курносова Путин қандай даволаниши ҳақида маълумотларга эгалигини маълум қилди.
«Менимча, Путин ҳақиқатан ҳам ўзини яхши ҳис қилмаяпти. Аммо уни жуда яхши даволашади. Исроиллик дўстларим менга айтганидек, Нетаньяхунинг Исроил бош вазири сифатида ҳокимиятга қайтиши Путиннинг Исроил тиббиёти билан Нетаньяху кетганидан кейин бузилган муносабатларини яна бир бор тиклади. Путиннинг генетик кодини, ДНКсини инобатга олган ҳолда унга махсус дорилар тайёрлашади, препаратлар жуда қиммат, уларни фақат Исроилда тайёрлаш мумкин. Путиннинг мазкур муолажадан фойдаланиш имконияти яна қайтди», — деди Курносова.
Унинг сўзларига кўра, Путин вафотидан кейин Россия транзитнинг оғир даврига дуч келади. Россия элитаси бундай вазиятда қандай йўл тутишни олдиндан келишиб олмаган.
«Шунинг учун Путин вафот этса, бундан тезда хабар топамиз», — дейди у.
Аввалроқ Украина президенти Владимир Зеленский уруш Россия етакчиси Владимир Путиннинг эҳтимолий ўлимидан кейин тугашини прогноз қилганди. У уруш Путиннинг касаллик ёки бахтсиз ҳодиса оқибатида вафот этишидан кейин тугаши мумкинлиги, чунки унинг режими авторитар экани, бунда кўп нарса бир кишига боғлиқлигини айтган.
Украина разведкаси раҳбари Кирилл Буданов Путин саратон касаллигига чалингани ва тез орада вафот этишини илгари сурган.
Мавзуга доир:
- Путин Украинага қарши урушни гормонал дорилар таъсирида бошлаган бўлиши мумкин — Дания разведкаси
- Путиннинг йўғон ичагини шошилинч операция қилиш керак — Daily Star
- Путин Паркинсон касаллигидан азият чекмоқда, у аллақачон 8 килога озган — Express
- Путин расмий қароргоҳида зинадан йиқилиб тушгани айтилмоқда
Изоҳ (0)