Германия Украинага ваъда қилган 40 та Marder пиёдалар жанговар машинасини «саросима билан» қидирмоқда, деб хабар берди Der Spiegel. Журнал маълумотларига кўра, Rheinmetall мудофаа концерни омборларида 60 та фойдаланишдан чиқарилган шундай машиналар бор, аммо уларни модернизация қилиш жуда кўп вақт олади. Шу сабабли, расмийлар Киевга Marder’ларни Германия армияси захираларидан олиб бермоқчи.
Der Spiegel нашрининг ёзишича, канцлер Олаф Шольц янги ёрдам пакетини эълон қилганидан сўнг, ҳарбийлар, сиёсатчилар ва хавфсизлик бўйича экспертлар 40 та Marder’ни қаердан олиш ҳақида ўйлаб ажабланган. Ҳукумат матбуот котиби Shteffen Hebeshtrayt журналистларга 6 январь куни бу саволга жавоб беришни ваъда қилган, аммо бу амалга ошмаган.
Христиан-демократик иттифоқдан Бундестаг депутати Хеннинг Отте канцлерни Украинага Marder’ларни топшириш қарори учун танқид қилди. Унинг фикрича, ҳукумат бундай таъминотга тайёр эмаслиги сабабли, Бундесвер шундоқ ҳам «аҳволи ёмон омборларини бўшатишга мажбур» бўлмоқда.
Олаф Шольц январь ойи бошида АҚШ президенти Жо Байден билан музокаралар чоғида Украинага Marder жанговар машиналарини бериш режалари ҳақида маълум қилганди. Шу билан бирга Вашингтон Киевга 50 та Бредли пиёдалар жанговар машинасини жўнатмоқчи.
Изоҳ (0)