2022 йилда Марказий банкларнинг олтинга бўлган талаби 1967 йилдан бери энг кўп бўлиб, 55 йиллик кўрсаткичлардан ҳам ошиб кетди. Бу ҳақда Жаҳон олтин кенгаши (WGC) таҳлилчиларига таяниб Financial Times хабар бермоқда.
Таҳлилчиларнинг фикрича, Россия ва Хитой асосий харидорларга айланган. Учинчи чоракда харидлар бўйича расман Туркия (31 тонна) ва Ўзбекистон (26 тонна) етакчи бўлди.
Расмий статистикада Россия ва Хитойнинг етакчи эмаслиги ушбу мамлакатларда олтин сотиб олиш фақат Марказий банклар томонидан амалга оширилмаслиги билан боғлиқ.
Ўзбекистон Марказий банки етти ойдан бери фақат олтин сотиб олишда фаол бўлди ва учинчи чоракда расман иккинчи ўринда қайд этилди. Бироқ ноябрь ойида мамлакат март ойидан бери биринчи марта олтин сотди.
Нашр олтин сотиб олиш кўпайишини мамлакатларнинг доллардан воз кечиб, захираларни диверсификация қилиш истаги билан изоҳлаган.
Мутахассисларнинг таъкидлашича, сотиб олинган олтин ҳажми бўйича ҳисоб-китоблар расмий маълумотлардан сезиларли даражада юқори, бу эса ишлаб чиқарувчилар ўртасида харидорларнинг кимлиги ва уларнинг мотивлари ҳақида миш-мишларга сабаб бўлади.
FT’нинг ёзишича, WGC’нинг консерватив ҳисоб-китоблари Халқаро валюта жамғармаси (ХВЖ) ва алоҳида Марказий банклар томонидан билдирилган харидлар ҳажмидан (йил бошидан сентябргача 333 тонна) ошиб кетган.
Ноябрь ойида расмий молия институтлари 673 тонна олтин сотиб олган бўлса, бутун учинчи чорак давомида Марказий банкларнинг ўзи 399,3 тонна олтин сотиб олди.
Бу 2000 йилдан буён ҳар чоракда статистик маълумотларни юрита бошлаганидан бери рекорд кўрсаткичдир. Бундан ташқари, бу аввалги чоракка нисбатан 115 фоизга кўпдир.
1967 йилда охирги марта олтинга бўлган талабнинг ўхшаш даражаси юз берганида, жаҳон валюта тизими бурилиш нуқтасида эди: Европа Марказий банклари Қўшма Штатлардан жуда кўп олтин сотиб олган, бу эса нархларнинг кескин кўтарилишига ва олтиннинг қулашига олиб келган.
Изоҳ (0)