Херард Пике футболчилик фаолиятини тикламоқчи

«Барселона» собиқ футболчиси Херард Пике фаолиятини қайта тикламоқчи.

35 ёшли футболчи 2022 йил ноябрь ойида бутсасини михга илганди. Релево нашрининг таъкидлашича, Пике ўзи эгалик қиладиган «Андорра» жамоасида тўп суришни режалаштирмоқда.

Бироқ Херард футболчилик фаолияти тиклашига бир қанча тўсиқлар мавжуд. Биринчидан, Пикенинг маоши. Гарчи футболчилик фаолиятини якунлаган бўлса-да, у ҳамон «Барселона» таркибида рўйхатда турибди. Унинг маоши эса 20 миллион еврони ташкил этади.

Иккинчидан эса Испаниянинг иккинчи дивизионида иштирок этувчи «Андорра» Пикега энг кам ушбу нархни тўлай олмайди. Бунинг иложи бор, бироқ Ла Лига махсус комиссияси ушбу масалани ҳал қилади.

Ла Лига қўмитаси Херарднинг маошини текшириб кўриши лозим. Шундан сўнг «Андорра» бундай трансферни амалга ошира олиши ёки олмаслиги аниқ бўлади.

Аввалроқ Херард Пике Kings League («Қироллар лигаси») деб аталувчи медиа футбол лигасини ташкил қилгани хабар қилинганди.