Францияда Энергетика ва экология вазирликларининг тўққизта биноси электр тармоғи ва иссиқлик таъминотидан узилди. Бу ҳақда HuffPost хабар берди.
Маълум қилинишича, таъминотдаги узилиш 30 декабрда бошланган ва 2 январга қадар давом этади. Париж марказида, Hotel de Roquelaure’дa, La Defans’даги офисларда ёки Анжедаги филиаллардаги ходимлар 2 январгача масофадан ишлайди.
Франция ҳукумати бу орқали онлайн ишлаш электр энергиясини қанчалик тежашини ўлчамоқчи. Вазир Агес Панне-Рунашенинг илтимосига биноан, Энергетика вазирлиги иситиш тизимидан узилган.
Аввалроқ Буюк Британия ҳукумати аҳолини электр ва газни тежашга чақирганди. Энергетика регулятори Ofgem аҳоли орасида ахборот кампаниясини бошлаган ҳамда британияликларни электрни тежашга чақирган.
«Ҳаммамиз иложи борича энергия сарфини камайтириш ҳақида ўйлашимиз мумкин. Бу нафақат тўловларни камайтириш йўли ҳисобланади балки углеводородлардан воз кечишга, етказиб бериш хавфсизлигини таъминлашга ва уларни ижтимоий эҳтиёжларга йўналтириш учун бюджет маблағларини тежашга ёрдам беради», — деган Ofgem бош директори Жонатан Брирли.
Унинг сўзларига кўра, регулятор таъминот компанияларининг истеъмолчиларга қишда электр энергиясини тежаш борасидаги тавсияларини тарқатишга ёрдам беради.
Изоҳ (0)