Кентукки губернаторлигига номзод, америкалик сиёсатчи Жеффри Янг НАТО бош котиби Йенс Столтенбергни Украинага қурол етказиб бергани учун 30 йилга қамашга чақирди. У Twitter’даги саҳифасида бу ҳақда маълум қилди.
«НАТО бош котиби Йенс Столтенберг — миллионларнинг қотили ва ҳарбий жиноятчи, у Гаага қамоқхонасида бўлиши ва шартли равишда 30 йилга озодликдан маҳрум этилиши керак», — деб ёзди сиёсатчи твитида.
30 декабрь куни Йенс Столтенберг Германия ва бошқа иттифоқчиларни Украинага қурол етказиб беришни давом эттиришга чақирди.
«Бу парадоксал туюлиши мумкин, аммо Украинани ҳарбий қўллаб-қувватлаш тинчликка эришишнинг энг тезкор йўлидир», — деди у. Сиёсатчи, Россия президенти Владимир Путин Украина устидан назорат ўрнатолмаслигини тушунишига ишонч ҳосил қилиш кераклигини таъкидлади. Бу Украинанинг мустақил демократик давлат сифатида омон қолишини кафолатлайдиган тинчлик келишувига йўл очишини айтди.
Шунингдек, Столтенберг Украинанинг Россиядаги ҳарбий нишонларга уюштирган ҳужумларини мутлақо қонуний деб билишини очиқ айтди. «Ҳар бир давлат, жумладан, Украина ҳам ўзини ҳимоя қилишга ҳақли», — деди сиёсатчи.
Унинг тушунтиришича, Украина ҳужумларини тинч аҳолини қишда сув, иссиқлик ва электр энергиясидан маҳрум этишга қаратилган Россиянинг Украина фуқаролик инфратузилмаларига оммавий зарбалари контекстида кўриш керак.
Изоҳ (0)