Буюк Британия разведкаси Россия Янги йил байрамида аҳоли руҳиятини бузиш учун Украинага зарба беришини маълум қилди. Бу ҳақда UNIAN хабар берди.
Разведка ўз ҳисоботида 2022 йил 29 декабрда рус ҳарбийлари Украинанинг энергетика объектларини нишонга олиб, узоқ масофали ҳужумларнинг навбатдаги тўлқинини бошлаганини эслатиб ўтади. Таҳлилчилар октябрь ойидан бери Россия ҳар 7-10 кунда кучли зарбалар бериш тартибига амал қилаётганини айтмоқда. Бу Украина ҳаво ҳужумидан мудофаа тизимини бостириш мақсадида амалга оширилмоқда.
«Россия Янги йил байрамида Украина аҳолисининг руҳиятини бузиш учун ракета зарбаси бериш режимига ўзгартириш киритиши мумкин», — дейилади разведка ҳисоботида.
Россия 29 декабрь куни Украинага ракеталар учирди
29 декабрь куни эрталаб Россия Украина фуқаролик инфратузилмасига ердан, ҳаво ва денгиздан ракеталарнинг навбатдаги зарбасини юборди. Украина ҳаво мудофааси учирилган 69 дан ортиқ ракетадан 54 тасини йўқ қилди. Киев осмонида 16 та рус ракетаси уриб туширилди. Уларнинг қисмлари эса учта хусусий уй, бир автомобиль, саноат корхонаси ва болалар майдончасига келиб тушди, ҳодисада қурбонлар бор.
Изоҳ (0)