Россия президенти Владимир Путин ва Хитой раҳбари Си Цзиньпин 30 декабрь куни видеоконференция шаклида музокара ўтказади. Бу ҳақда «Интерфакс» хабар берди.
Давлат раҳбарлари энг долзарб минтақавий муаммоларни муҳокама қилади. «Путин ва Си Цзиньпин ўртасида эрталаб бўлиб ўтадиган мулоқотга тайёрланаяпмиз. Бу видеоконференция шаклида ташкил этилади», — деди Кремль матбуот котиби Дмитрий Песков.
Дастлаб музокаранинг кириш қисми очиқ шаклда, кейин эса ёпиқ режимда бўлиб ўтади.
«Албатта, бунда қизғин минтақавий муаммолар юзасидан фикр алмашиш муҳим ўринда туради. Муҳокама мавзулари орасида Россия ва Хитой учун алоҳида аҳамиятли бўлганлар ҳам бор», — деди Песков.
Бундан ташқари, Путин ва Си Цзиньпин икки томонлама муносабатлар, хусусан, ўзаро савдонинг жадал ўсишини муҳокама қилади. «Давлат раҳбарлари бу масалаларни ҳақиқий стратегик шериклик руҳида муҳокама қилади», — дейди Кремль расмийси.
22 декабрь куни Россия Хавфсизлик кенгаши раиси ўринбосари Дмитрий Медведев Хитойга ташриф буюриб, мамлакат раҳбари Си Цзиньпин билан учрашдива унга Путиннинг мурожаатини етказди. Мурожаатда «Россия—Хитой сиёсий мулоқоти ва амалий ҳамкорлигининг мисли кўрилмаган даражаси» қайд этилган.
Изоҳ (0)