Россия 29 декабрь куни Украинага 120 дан ортиқ ракета учирди. Бу ҳақда Президент девони раҳбари маслаҳатчиси Михаил Подоляк Twitter’да маълум қилди.
Подолякнинг сўзларига кўра, Москванинг мақсади мамлакатнинг муҳим инфратузилмасини йўқ қилиш ва тинч аҳолини қирғин қилишдир.
«29.12.22. Россия томонидан муҳим инфратузилмани ва тинч аҳолини оммавий йўқ қилиш учун бутун Украина бўйлаб 120 дан ортиқ ракеталар учирилди. Ракета зарбаларидан сўнг ‘тинчликпарварларъдан можарони ‘тинчлик йўли билан ҳал қилиш’, ‘Россия учун хавфсизлик кафолатлари’ ва провокация қилишни тўхтатиш бўйича кейинги таклифларни кутамиз», — деди у.
Россия 29 декабрь куни Украинага навбатдаги йирик ракета ҳужумини амалга оширди. Зеленский офиси маслаҳатчиси Алексей Арестович Россия 100 дан ортиқ ракета учирмоқчилигини айтди. Одесса, Киев, Харьков, Житомир, Чернигов ва Украинанинг бошқа вилоятларида портлашлар юз берди.
Бундан ташқари, уриб туширилган ракетанинг парчаси оқибатида Киевда турар жой биноси ёниб кетди.
Воқеа жойига қутқарувчилар жалб қилинди. Киев мери Виталий Кличконинг сўзларига кўра, Киевдаги нишонларга учирилган 16 та ракетанинг барчаси Украина пойтахти устидан уриб туширилган. Шу билан бирга, Киевда камида уч киши, жумладан, 14 ёшли қиз ракета парчалари оқибатида жароҳатланган.
Киевликларнинг қарийб 40 фоизи электр энергияси таъминотидан узилган. Одесса вилояти осмонида 21 та ракета уриб туширилган. Украина бош вазири Россия 29 декабрдаги ҳужумда икки ҳафта давомида тайёрланганини қўшимча қилди. У Украина ҳаво ҳужумидан мудофаа кучлари 69 та ракетадан 54 тасини уриб туширганини таъкидлади.
Мавзуга доир: Россия Херсондаги касалхонанинг туғуруқ бўлимини ўққа тутди — фото
Изоҳ (0)