Бактериялардан халос бўлинг: уйда ўйлаганимиздан ҳам кўпроқ тозалашга муҳтож бўлган буюмлар

Ҳатто энг тоза уйда ҳам бактериялар билан тўла жойлар бор. Албатта, бу соғлиқ ва ҳатто кайфиятга ҳам таъсир ўтказади, деб ёзади The Voice Mag.

Идиш ювиладиган губка

Нисбатан зарарсизларидан ташқари, у ҳатто салмонелла ва E.coli бактерияларини ҳам ўз ичига олиши мумкин. Губкани ҳафтада бир марта алмаштириш тавсия этилади.

Сочиқлар

Агар улар аллақачон эскирган бўлса, уларни ўзгартириш лозим. Ёқимсиз ҳид бактериялар кўпайишининг белгисидир.

Пульт

Пультнинг устида жилди бўлса ҳам, натижа бир хил: у тезда кир ва майда тирик мавжудотлар билан қопланади. Тугмаларни антибактериал салфетка билан артиб туриш лозим.

Гилам

У нафақат чанг ва кир, балки бактерияларни ҳам ўзида тўплайди. Гиламларни йилига камида икки марта тозалаш керак.

Маиший жиҳозларнинг калит ва тугмалари

Афсуски, бу ҳам бактериялар учун ажойиб жой. Уларни ҳар ҳафта тозалаш тасия этилади.

Тиш чўткаси

Микроорганизмларнинг тарқалишини олдини олиш учун уни мунтазам ювиш керак.

Тахтакач

Бактериялар учун осонгина кўпайиш жойларидан бири. Ҳар бир фойдаланишдан кейин яхшилаб ювиб ташлаш лозим.

Музлаткич

Агар музлаткич ҳар ойда тозаланмаса, у ерда ёмон бактериялар кўпаяди. Бу озиқ-овқат маҳсулотларининг тезроқ бузилишига олиб келиши мумкин.