Туркия президенти Ражаб Тоййиб Эрдўғоннинг фикрича, Ғарб Россия—Украина можаросини ҳал қилиш учун ҳаракат қилмаган, аксинча, «фақат провокациялар» билан шуғулланган. Унинг иддао қилишича, зиддият томонлари ўртасида воситачилик ролини Туркия зиммасига олган.
«Афсуски, Ғарб фақат провокациялар билан шуғулланди ва Украина—Россия урушида воситачи бўлишга ҳаракат қиллмади» — деди Эрдўғон Туркия шимоли-шарқидаги Эрзурум вилоятида ёшлар билан учрашувда. У Анқара воситачи ролини ўз зиммасига олгани ва унинг саъй ҳаракатлари билан «Қора денгиз дон йўлаги фойдаланишга топширилганига» эътибор қаратди.
Эрдўғон таъкидлашича, Европа Украинадан экспорт қилинадиган доннинг 44 фоизини олган. 16 фоизи Туркияга, 14 фоизи Африка давлатларига юборилган. Унинг айтишича, Туркия Африкадаги муҳтож давлатларга жўнатиш учун рус донидан ун ишлаб чиқаришни режалаштирмоқда. Туркия президенти, шунингдек, Россия билан биргаликда ўғитларни экспорт қилиш бўйича чоралар кўришга ваъда берди ва бу масала «ишнинг энг оғир қисми» бўлишини айтди.
Уруш бошида Россия ва Украина ўртасида тинчлик музокаралари Туркия воситачилигида ўтган, бироқ май ойида улар тўхтатилганди. Ёзда Туркия ва БМТ воситачилигида томонлар Одесса портларидан Украина ғалласини экспорт қилиш, шунингдек, Россиянинг озиқ-овқат ва ўғитларини четга чиқариш йўлидаги тўсиқларни бартараф этишни ўз ичига олган дон битимини тузишга муваффақ бўлди.
Ғарб давлатлари сўнгги пайтларда Украинанинг «адолатли дунё»га интилиш ҳақидаги баёнотларини қўллаб-қувватламоқда. Владимир Зеленский Россия қўшинларининг Украина ҳудудидан 1991 йилги чегаралар доирасида, жумладан Қримдан олиб чиқиб кетилишини талаб қилмоқда. Москва ҳисоблашича, Киевнинг ёндашуви унинг тинч йўл билан келишувга тайёр эмаслигини кўрсатади.
Изоҳ (0)