Фарғона вилоят суди биносида 26 декабрь куни Андижон шаҳри собиқ ҳокими Баҳром Ҳайдаров ва яна 44 нафар судланувчига нисбатан ҳукм эълон қилинди. Бу ҳақда Олий суд ахборот хизмати хабар берди.
Қайд этилишича, ушбу жиноят иши Олий суднинг Жиноят ишлари бўйича судлов ҳайъати судьяси А.Утаев раислигида ҳамда судьялар О.Арабов ва Ш.Шеркуловдан иборат суд таркибда биринчи инстанция судида кўриб чиқилган.
Олий суд Жиноят ишлари бўйича судлов ҳайъатининг 26 декабрдаги ҳукмига кўра:
Баҳрам Ҳайдаров Жиноят кодексининг 167-моддаси 3-қисмининг «а», «в» бандлари, 209-моддаси 2-қисми «а», «б» бандлари ва 243-моддасида назарда тутилган жиноятларни содир этганликда айбли деб топилиб, унга Жиноят кодексининг 59-моддаси тартибида тайинланган жазоларни қисман қўшиш йўли билан 3 йил мансабдорлик ва моддий жавобгарлик юклатилган лавозимларда ишлаш ҳуқуқидан маҳрум қилган ҳолда, 10 йил озодликдан маҳрум қилиш жазоси тайинланди.
Унга Жиноят кодексининг 59-моддаси 8-қисми ҳамда 61-моддаси тартибида тайинланган жазога жиноят ишлари бўйича Избоскан туман судининг 13 декабрдаги ҳукми билан тайинланган жазо тўлиқ қўшилиб, 3 йил мансабдорлик ва моддий жавобгарлик юклатилган лавозимларда ишлаш ҳуқуқидан маҳрум қилиниб, 10 йил озодликдан маҳрум қилиш ва базавий ҳисоблаш миқдорининг 350 баравари, яъни 85 750 000 сўм жарима жазоси тайинланди.
С. Юлчиева (Андижон шаҳар ХТБ марказлашган молия-бухгалтерия хизматида бош ҳисобчи лавозимида ишлаган) Жиноят кодексининг 167-моддаси 3-қисми «а», «в» бандлари, 209-моддаси 2-қисми «а», «б» бандлари, 211-моддаси 3-қисми «а», «б» бандлари ва 243-моддасида назарда тутилган жиноятларни содир этганликда айбли деб топилиб, унга Жиноят кодексининг 59, 61-моддалари тартибида тайинланган жазоларни қисман қўшиш йўли билан узил-кесил ўташ учун 3 йил мансабдорлик ва моддий жавобгарлик юклатилган лавозимларда ишлаш ҳуқуқидан маҳрум қилган ҳолда, 8 йил 6 ой озодликдан маҳрум қилиш жазоси тайинланди.
С. Юлчиевага Жиноят кодексининг 62-моддаси тартибида жиноят ишлари бўйича Андижон шаҳар судининг ҳукми билан тайинланган 3 йил муайян ҳуқуқдан маҳрум қилиш ва 2 йил ахлоқ тузатиш ишлари жазосининг ўталган 9 ой 10 кун муайян ҳуқуқдан маҳрум қилиш ва 9 ой 3 кун ахлоқ тузатиш (3 ой 3 кун уй қамоғида ўтирган муддати ўталган ҳисобидан қўшилади) ишлари жазоси, тайинланган жазодан чегирилиб, ўташ учун 2 йил 2 ой 20 кун мансабдорлик ва моддий жавобгарлик юклатилган лавозимларда ишлаш ҳуқуқидан маҳрум қилиниб, 7 йил 11 ой 26 кун озодликдан маҳрум қилиш жазоси ўташ учун қолдирилди.
К. Асқаров (Андижон шаҳар прокурори, Андижон вилоят прокурорининг жамоатчилик билан алоқалар ва ҳуқуқий ахборот бўйича катта ёрдамчиси лавозимиларида ишлаган) Жиноят кодексининг 167-моддаси 3-қисми «а», «в» бандлари, 209-моддаси 2-қисми «а», «б» бандлари, 211-моддаси 3-қисми «а», «б» бандлари ва 243-моддасида назарда тутилган жиноятларни содир этганликда айбли деб топилиб, унга Жиноят кодексининг 59-моддаси тартибида тайинланган жазоларни қисман қўшиш йўли билан узил-кесил ўташ учун 3 йил мансабдорлик ва моддий жавобгарлик юклатилган лавозимларда ишлаш ҳуқуқидан маҳрум қилган ҳолда, 10 йил 6 ой озодликдан маҳрум қилиш жазоси тайинланди.
Ф. Муллажанов (Андижон вилоят ҳокимлиги молия бош бошқармаси бошлиғининг биринчи ўринбосари лавозимида ишлаган) Жиноят кодексининг 167-моддаси 3-қисми «а», «в» бандлари ва 209-моддаси 2-қисми «а», «б» бандларида назарда тутилган жиноятларни содир этганликда айбли деб топилиб, унга Жиноят кодексининг 59-моддаси тартибида тайинланган жазоларни қисман қўшиш йўли билан узил-кесил ўташ учун 3 йил мансабдорлик ва моддий жавобгарлик юклатилган лавозимларда ишлаш ҳуқуқидан маҳрум қилган ҳолда, 8 йил озодликдан маҳрум қилиш жазоси тайинланди.
Ш. Хашимов (Андижон вилоят ҳокимлиги молия бош бошқармасининг маҳаллий бюджет даромадларини режалаштириш ва бюджетларини шакллантириш бўлими бошлиғи лавозимида ишлаган) Жиноят кодексининг 167-моддаси 3-қисми «а», «в» бандлари, 209-моддаси 2-қисми «а», «б» бандлари ва 243-моддасида назарда тутилган жиноятларни содир этганликда айбли деб топилиб, унга Жиноят кодексининг 59-моддаси тартибида тайинланган жазоларни қисман қўшиш йўли билан узил-кесил ўташ учун 3 йил мансабдорлик ва моддий жавобгарлик юклатилган лавозимларда ишлаш ҳуқуқидан маҳрум қилган ҳолда, 8 йил озодликдан маҳрум қилиш жазоси тайинланди.
Қолган 40 нафар судланувчи содир қилган жиноий ҳаракатлари доирасида тегишлилиги бўйича Жиноят кодексининг 167, 168, 205, 207, 208, 209, 211, 28,211, 228 ва 243 моддаларида назарда тутилган жиноятларни содир этганликда айбли деб топилиб, уларга 4 йилдан 8 йилгача озодликдан маҳрум қилиш, 2 йилгача озодликни чеклаш ҳамда 2 йилдан 3 йилгача ахлоқ тузатиш жазолари тайинланди.
Жиноят оқибатида етказилган 63 миллиард сўмдан зиёд миқдоридаги моддий зарарнинг 16 миллиард сўмдан ортиғи қопланган бўлиб, зарарнинг қолган қисмини 35 нафар судланувчидан солидар тартибда ундириш белгиланди. Мазкур жиноий иш бўйича судга раислик қилувчи томонидан судланувчиларга ва бошқа томонларга ҳукм устидан шикоят қилиш тартиби ва муддати тушунтирилди.
Мавзуга доир:
Изоҳ (0)