Самарқанд вилоятининг Ургут туманида аёл ёш боласини шафқатсизларча калтаклаганди. Туман ҳокимлиги ахборот хизмати боланинг аҳволи бўйича маълумот берди.
Таъкидланишича, воқеа 24 декабрь куни «Ватак» маҳалласида яшовчи фуқаро (келин) О.Г. Россияда бўлиб турган турмуш ўртоғи I. С. билан телефон орқали суҳбат давомида келиб чиққан ўзаро келишмовчиликлардан сўнг содир этилган.
Ҳозирда О. Г ва унинг 2 нафар вояга етмаган фарзандлари биргаликда Ургут тумани тиббиёт бирлашмасига жойлаштирилган бўлиб, видеолавҳадаги фарзанди I.С.нинг соғлиғини умумий аҳволи шифокорлар томонидан қониқарли деб баҳоланмоқда. Психологларнинг хулосасига кўра, аёлнинг руҳий ҳолати қониқарли, фарзандига жисмоний ёки руҳий шикаст етказиш даражасида эмас деган хулоса қилинган.
О.Г. билан ўтказилган суҳбат давомида у ўзини бошқара олмасдан қилган ушбу ишидан афсусланиб, аввал фарзандларига нисбатан бундай муносабатда бўлмагани, турмуш ўртоғи билан телефон орқали келишолмай қолгач, шу ҳолат юз бергани, уларни яхши тарбиялаб келаётганини айтган.
Ҳолат юзасидан Ургут тумани ички ишлар бўлими ҳузуридаги тергов бўлими томонидан О.Г. га нисбатан Жиноят кодексининг 110-моддаси (Қийнаш) 2-қисми ва 112-моддаси (Ўлдириш ёки зўрлик ишлатиш билан қўрқитиш) 1-қисми билан жиноят иши қўзғатилган.
Мавзуга доир:
Самарқандда ёш боласини шафқатсизларча калтаклаган аёлга жиноят иши қўзғатилди
Изоҳ (0)