Одатда актриса ёки қўшиқчи ҳақида гап кетганда биринчи навбатда унинг машҳур роллари ёки хит қўшиқларини эслаймиз. Бироқ баъзида ҳатто уларининг касбий фаолияти билан бир қаторда, кўпчилик билмайдиган ҳаётнинг саҳна ортидаги қисми борлигига шубҳа қилмаймиз.
Кейт Уинслет пластик жарроҳлик ва фотошопнинг ашаддий рақиби
Уинслет пластик жарроҳликка шу қадар қаршики, у ўз позициясини қўллаб-қувватлайдиган бошқа таниқли одамларни ўз ичига олган бутун бошли лига яратди. Актриса бу ҳақда шундай дейди: «Мен ҳеч қачон таслим бўлмайман. Бу ота-онам берган тарбиямга ва ўзим табиий гўзаллик деб ҳисоблаган нарсаларимга зиддир. Мен актрисаман ва юзимни музлатмоқчи эмасман».
Шунингдек, Уинслет фотошопга ҳам қарши. 2021 йилда у бош ролни ўйнаган «Исттаунлик Мейр» телесериали афишасининг иккита вариантини рад этади. Актриса афишада «жуда ретушланган» кўринарди. Бундан ташқари, Кейт саҳналарнинг бирида қорнини ретуш қилишдан ҳам бош тортади.
Женнифер Лоуренс ва унинг катта хайрия ташкилотлари
Женнифер Лоуренсни катта қалбга эга сахий одам деб аташ мумкин. 2015 йилда у бир нечта хайрия ташкилотларини қўллаб-қувватлайдиган жамғармага асос солган. 2016 йилда актриса ўзи туғилиб ўсган Луисвилдаги болалар шифохонасига 2 миллион доллар хайрия қилган. У пулни янги кардиология бўлими ташкил этишга сарфлади: «Умид қиламанки, совғам барча жасур болаларни қўллаб-қувватлайди». Женнифернинг онаси Карен қизининг «Оскар» мукофотига сазовор бўлган актриса эканлигидан кўра кўпроқ хайрия ишлари билан фахрланади.
Мерил Стрип «Темир хоним» фильмидан олган гонорарининг ҳаммасини музейга ўтказган
Дастлаб Мерил Стрип Маргарет Тэтчер ролини рад этмоқчи бўлади, аммо кейинчалик бу ролга рози бўлади. Актриса мазкур образи учун «Оскар»ни ҳам қўлга киритади. Актриса фильмдан олган 1 миллион доллар гонорарини хайрия ишларига — Вашингтондаги Аёллар тарихи миллий музейига беради.
Эмма Уотсон экокийим кийишни афзал кўради
Эмма Уотсон атроф-муҳитни асровчи эколог сифатида ҳам танилган. У барқарор модани афзал кўради ва экологик тоза кийим кияди. Актриса қайта ишланган пластик бутилкалардан тикилган либосларда, органик ипак ва ҳатто мато қолдиқларидан тикилган кийимларда бир неча бор пайдо бўлган.
Виктория Бекҳэм гардеробидаги 600 та буюмни сотиб, тушган пулни хайрия ишларига сарфлаган
2014 йилда Виктория Бекхем гардеробидаги 600 та нарсасини сотиб, тушган маблағни она-болалар ўртасида ОИВ ва ОИТС юқишини бартараф этишга ихтисослашган жамғармага хайрия қилди: «Бу кийимларнинг барчаси ақл бовар қилмайдиган саргузаштларни бошдан кечирган. Улардан жуда завқланардим. Энди эса ўзим жуда яхши кўрган нарсамни бошқалар билан баҳам кўрмоқчиман».
Бейонсе 13 ёшли мухлисига ҳурмат бажо келтирган
Ўзининг YouTube’даги расмий каналига Бейонсе мухлиси Лирик Шанел суратга тушган видеони жойлаштиради, саҳна ортида қўшиқчи ўзининг ҳит қўшиғини ижро этади. Видео сўнгида Бейонсе «Мен сени бутун қалбим билан севаман», дейди. Икки кун олдин қиз марказий асаб тизими саратонидан вафот этганди. Хонанда истеъдодининг ёш мухлисига откритка билан гуллар юборишга ҳам улгурган. Лирикнинг онаси ижтимоий тармоқ орқали қўшиқчига шундай таъсирли видео учун миннатдорлик билдиради.
Сандра Буллок селфига мутлақо қарши
Бир пайтлар Сандра Буллок селфи қилишни ёмон кўришини тан олганди: «Селфи тушиш орқали ҳақиқий ҳаётимизни яширамиз. Ахир, болангизга бақирганингизда ўзингизни даҳшатли ота-она сифатида суратга олмайсиз. Селфи бу — ҳақиқий ҳаётнинг нотўғри акси». Айтганча, актриса ижтимоий тармоқлардан фойдаланмайди. Буллокнинг сўзларига кўра, 1995 йилда «Тармоқ» фильмидаги роли сабаб у ижтимоий тармоқларнинг нотўғри томонларини ўрганган, шунинҳ учун ҳам улардан фойдаланишни хоҳламайди.
Белла Ҳадид кам таъминланган болаларга ўйинчоқлар совға қилган
Янги 2021 йил арафасида Белла Хадид ва унинг дўстлари ўйинчоқлар сотиб олиб, ночор болаларга совға қилишди. Одамларни ҳам шундай қилишга ундаш учун у ижтимоий тармоққа ўзининг хайрия ишларининг парда ортидаги видеосини жойлаштиради. Бу ўйинчоқлар 250 оилага тарқатилади.
Мавзуга доир:
Изоҳ (0)