Veolia Energy Tashkent МЧЖ Тошкентдаги кўп квартирали уйларда рециркуляция (айланма) насосларни ўрнатишга киришди. Насослар муаммоли жойларда ўрнатилади ва иситиш ва иссиқ сув узатилишини яхшилайди.
Қайд этилишича, компания мавжуд 230 та насос ўрнатилганидан сўнг навбатдаги ускуналар партиясини харид қилишни режалаштирмоқда. Ноябрь ойида Veolia Energy Tashkent МЧЖ ХК Янгиҳаёт тумани Дўстлик-1 массивида марказлаштирилган иссиқлик таъминоти тизимини яхшилаш бўйича пилот лойиҳани амалга оширди. Компания мутахассислари еттита кўп қаватли уйда рециркуляция (айланма) насослар ўрнатди. Ушбу қарор босимни ошириш ва иссиқ сув айланишини оптималлаштириш ва натижада турар жой биноларида иситишни яхшилаш имконини берди.
Насослар иссиқлик таъминотининг умумий балансини сақлашда ўз самарадорлигини кўрсатди. Veolia Energy Tashkent 230 та ихчам рециркуляция насосни сотиб олган ва улар тез орада муаммоли жойларга ўрнатилади.
Муаммоли локациялар Теrmis Engineering дастурий таъминот ёрдамида танлаб олинди. Ушбу илғор кўп функцияли платформа дунёнинг 500 дан ортиқ шаҳарларида иссиқлик таъминоти корхоналари томонидан қўлланилади.
Тошкент иссиқлик тармоқларини рақамлаштиришдан сўнг Теrmis Engineering дастури қўшимча ускуналар ўрнатиш зарур бўлган шаҳарнинг энг заиф ҳудудларини аниқлади. Ҳозир Чилонзор туманидаги учта 12 қаватли уйда рециркуляцион насослар ўрнатилмоқда. Шунингдек, Яшнобод туманидаги 4 та кўп қаватли уйда ҳам шундай насослар ўрнатилган.
Veolia Energy Tashkent 2023 йилда ускуналарни сотиб олиш ва ўрнатишда давом этади. Ушбу ёрдамчи ускуналарнинг ўрнатилиши амалдаги тарифларга таъсир қилмайди.
Изоҳ (0)