Россия қимматли қоғозлари 2022 йилда бошқа акцияларга қараганда анча арзонлашган. Бунга сабаб эса Украинадаги уруш ва Россиядан инвесторларнинг чиқиб кетишидир. Бу ҳақда Bloomberg хабар бермоқда.
«Долларда ифодаланган Россия фонд индекси RTS жорий йилда 35 фоизга пасайди», — деб ёзади агентлик.
Бу 92 та индекс орасидаги энг ёмон натижа, шунингдек, доллар бўйича учинчи энг ёмон натижа ҳисобланмоқда.
«Рубльда ҳисобланган Москва биржаси индекси 44 фоизга тушиб, 2008 йилдан бери энг кескин пасайишни кўрсатди. «Лукойл» ва «Газпром» акциялари жорий йилда мос равишда 30 фоиз ва 53 фоиз, Сбербанк эса 54 фоиз қимматли қоғозларини йўқотди», — деб таъкидлайди Bloomberg.
Шу билан бирга, агентликнинг ёзишича, Россия иқтисодиёти санкцияларга «кутилганидан ҳам яхши» бардош берди.
Бироқ InTouch Capital Markets компаниясининг катта валюта таҳлилчиси Петр Матҳиснинг фикрича, «Ғарб санкциялари Россия иқтисодиётига таъсир қила бошлади» ва мамлакат акциялари давом этаётган санкциялар туфайли яхши истиқболга эга эмас.
Аксинча, ITI Capital катта инвестиция стратеги Искандар Луцко янги чекловлар, жумладан, Россия нефтининг максимал нархи «ўйин қоидаларини ўзгартирмаслигига» ишонади.
Изоҳ (0)