2022 йилнинг январь—ноябрь ойларида Ўзбекистоннинг ташқи савдо айланмаси қарийб 50 млрд долларга етди. Бу ҳақда Давлат статистика қўмитаси хабар бермоқда.
Бу ўтган йилнинг мос даври билан солиштирилганда қарийб 6,8 млрд долларга ёки 18 фоизга ошган. Дастлабки 10 ойда эса бу кўрсаткич 40,1 млрд доллар бўлганди.
Ташқи савдо айланмасида экспортнинг улуши 17,4 млрд долларни ташкил этди. Шундан:
- маҳсулотлар экспорти — 13,8 млрд доллар;
- хизматлар экспорти — 3,6 млрд доллар.
Маълумотларга кўра, ноябрь ойида экспорт ҳажми 1,9 млрд долларга ошган.
50 млрд долларлик ташқи савдо айланмасида импортнинг улуши 27,6 млрд долларга етди. Шундан:
- маҳсулотлар импорти — 25,3 млрд доллар
- хизматлар импорти – 2,3 млрд доллар.
Шундай қилиб, ўтган ноябрь ойида импортнинг улуши 3 млрд долларга ўсиш қайд этган.
Бунда сальдонинг улуши 10,2 млрд доллар бўлмоқда. Ноябрда бу кўрсаткич 1,1 млрд долларга ўсган.
Мавзуга кўра: Ўзбекистоннинг қайси ҳудудларида божхона тўловлари бўйича тушумлар ва экспорт ҳажми ўсмоқда?
Изоҳ (0)