Жаҳон банки тузилмаси таркибига кирувчи Халқаро молия корпорацияси (IFC) директорлар кенгаши Украина бизнесини молиялаштириш дастури учун 2 миллиард доллар ажратади. Бу ҳақда мамлакат Иқтисодиёт вазирлигининг матбуот хизмати хабар берди.
Ушбу дастурни амалга оширишнинг асосий йўналишлари Украина банклари, қишлоқ хўжалиги сектори, кичик ва ўрта бизнес учун савдони молиялаштиришдир.
Таъкидланишича, корпорация раҳбарияти IFC’га давлат компаниялари билан ишлашга рухсат бериш таклифини қўллаб-қувватлагани жуда муҳим.
«Бу Украина учун истисно сифатида амалга оширилди. Умуман олганда, IFC’га давлат компаниялари билан ишлаш амалда тақиқланган», — деди Бош вазирнинг биринчи ўринбосари — Иқтисодиёт вазири Юлия Свириденко.
Унга кўра, бу ҳозир Украинага сармоя киритиш ёки қилмаслик ҳақида ўйлаётган кўплаб инвесторлар учун ижобий белгидир.
Бундай молиялаштириш хусусий кредит капиталини сафарбар этиши кутилмоқда, чунки IFC одатда тижорат банклари ва бошқа ХМИларни молиявий консорсиумга қўшиш орқали лойиҳа қийматининг 30 фоиздан кўп бўлмаган қисмини молиялаштиради.
Шундай қилиб, Украина корхоналарининг молиялаштирилиши мумкин бўлган лойиҳаларининг умумий ҳажми 6 миллиард доллардан ортиқни ташкил қилиши мумкин.
Мавзуга доир: Европа Иттифоқи Украинага 18 млрд евролик ёрдам пули ажратади
Изоҳ (0)