Ўзбекистон Республикаси президентининг фармони билан Фарҳод Эрманов Хоразм вилояти ҳокими лавозимидан озод этилди. Бу ҳақда Президент матбуот хизмати хабар бермоқда.
У Қорақалпоғистон Республикаси Жўқорғи Кенгеси томонидан Қорақалпоғистон Вазирлар Кенгаши раиси лавозимига тасдиқланди.
2018 йил 30 ноябрь куни халқ депутатлари Хоразм вилояти кенгашининг навбатдан ташқари сессиясида президент Шавкат Мирзиёевнинг тавсиясига биноан Хоразм вилояти ҳокими вазифасини вақтинча бажариб келаётган Фарҳод Эрманов Хоразм вилояти ҳокими этиб тасдиқланган эди. Ундан аввал эса етти ой давомида у Хоразм вилояти ҳокими вазифаларини бажаришда синовдан ўтган.
Фарҳод Эрманов 1958 йилда туғилган. Илгари Қорақалпоғистон Республикаси қишлоқ ва сув хўжалиги вазири, Беруний тумани ҳокими лавозимларида ишлаган.
Изоҳ (0)