Шавкат Мирзиёев 16 декабрь куни ўзининг иқтисодий тараққиёт, самарали бошқарув ва халқаро ҳамкорлик масалалари бўйича маслаҳатчиси Сума Чакрабартини қабул қилди. Бу ҳақда президент матбуот хизмати хабар берди.
Унда мамлакатдаги иқтисодиёт ва бошқарувни ислоҳ қилиш доирасида эришилган натижалар ва бу борадаги келгуси режалар кўриб чиқилди. Давлат раҳбари барча муҳим йўналишлардаги янгиланишларга тўхталар экан, иқтисодиётнинг устувор тармоқларини модернизация қилиш ва рақобатбардошлигини таъминлаш, давлат бошқарувида трансформация жараёнларини, шунингдек, рақамлаштириш ва инвестицион жозибадорлик борасидаги ишларни давом эттириш муҳимлигини алоҳида таъкидлади.
Сума Чакрабарти дунё иқтисодиётидаги мураккаб вазиятда Ўзбекистон томонидан кўрилаётган самарали чора-тадбирлар иқтисодий ислоҳотларнинг динамикасини таъминлаётганини таъкидлаб, бу соҳадаги биргаликдаги саъй-ҳаракатларни янги босқичда давом эттиришни қўллаб-қувватлади.
Учрашувда кун тартибидаги бошқа муҳим йўналишлар ҳам кўриб чиқилди.
Изоҳ (1)
Suma Chakrabarti Evropa tiklanish va tarriyot banli direktori bo'lgan adashmasam. Uning prezidentimizga maslahatchi bo'lganidan xabarim yo'q ekan. O'zbekistonning iqtisodiy potensiallaridan kelib chiqib vatanimizni yanada tezroq rivojlanishiga hissa qo'shishiga ishonib qolamiz.