«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 11-сони мавзуси «Тазйиқ ва зўравонлик — номардлик» бўлиб, дастур меҳмони сифатида иқтисод фанлари доктори, профессор Барногул Санакулова таклиф этилди.
Менга ўхшаб мана шу мавзуни тўхтовсиз олиб чиқишга ҳаракат қилаётганларга нисбатан турли важлар билан, гўёки мансаб, амал хоҳлагани учун шундай қиляпти, деган фикрни йиғиштириб қўйишимиз керак. Иссиқ креслода халқдан ажралиб ўтирган раҳбарлардан фарқли равишда, халқ ичида бўлиб, давлат келажагига ўзимизни боғлаганмиз. Шеър-қўшиқ айтмасдан, «Ўзбекистон 24» каналига чиқиб олиб бонг урмасдан танқид қиладиган, куйиниб гапирадиган даражада ватанпарвармиз. Чунки ватанпарварлик фақат мақташ эмас, танқид ҳам қила олиш.
Бугун биз муаммони танқид-таҳлил қилиб, ечим бериб, камига хизмат қилишга тайёр турган ватанпарварларни жазолашга, сазойи қилишга, овозини ўчиришга ҳаракат қиляпмиз. Бу – жамиятда энг ёмон сигнал. Аксинча, давлатни мақтаб, муаммоларга кўз юмиб, ясалган статистикани, реалликдан йироқ бўлган маълумотларни тақдим этиб, ёлғон картина ясаётганлар энг катта душман саналади.Камбағалликни камайтириш, оилаларда зўравонликка барҳам бериш, аёлларни иш билан таъминлаш борасида катта лойиҳалар амалга ошириляпти, жуда юқори миқдордаги маблағлар сарфланяпти. Юқори қатлам зўр ишлаяпти-да, қуйи қатлам азият чекяпти. Чунки ҳамма гап – ўрта қатламда, ижро ҳокимиятида. Қонун, қарор, фармонлар турли хил «лазейка»лар билан чиқариляпти. Асосий бюджетни ўмариш ижтимоий соҳага йўналтирилган маблағларга тўғри келяпти, – дейди Барногул Санакулова.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)