“Дарё” интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда “Маҳалла. Муаммо. Мулоҳаза” лойиҳасини тақдим этиб келмоқда. Лойиҳанинг 11-сони мавзуси “Тазйиқ ва зўравонлик — номардлик” бўлиб, дастур меҳмони сифатида иқтисод фанлари доктори, профессор Барногул Санакулова таклиф этилди.
Менга бир йиғилишда Танзила Норбоева бир гап айтдилар. 2016 йилгача ҳукуматда зўравонлик тўғрисида гапирган одам сазойи қилинган. Мавзу ёпиқ бўлган, бизда бундай ҳолатлар ёъқ деган стереотип шакллантирилган.
Демак, бу муаммо бугун ёки кеча пайдо бўлиб қолган эмас. Биз зўравонлик контентига эга бўлган бир авлодни қабул қилиб бўлганмиз, буёғига иккинчи-учинчи авлод ҳақида гап кетяпти.20–30 йил мобайнида зўравонлик қурбони бўлган, ўша пайтда мавзу табу бўлгани туфайли ўзи ҳақида гапириб беролмаган одам ҳозир ўттизга кирди. Унинг ичида ҳам кичкина зўравон яшаётган бўлиши мумкин. Ҳозир ўзига ишончи, шахсий фикри ёъқ бўлган, тазйиқ ва босимлар остида яшаган, ота-она хоҳиши билан ўзига касб танлаб ишлаётганлар бор. Улар касбига севимли машғулот эмас, оғир юк сифатида қарайди. Шу жиҳатдан, зўравонлик камбағалликни етаклаб келади, дея оламиз, – дейди иқтисодчи.
Кўрсатувни тўлиқ тарзда “Дарё”нинг ЁуТубеъдаги саҳифаси орқали томоша қилиш мумкин.
Изоҳ (0)