Бухоро вилояти Бухоро туманида 16 декабрь куни ЙТҲ жойида ҳаракат хавфсизлигини таъминлаётган патруль автомобилининг ортидан Cobalt келиб тўқнашди. Бу ҳақда Йўл ҳаракати хавфсизлиги хизмати хабар берди.
Аниқланишича, туманнинг «Туркон» МФЙ ҳудудидан ўтувчи М-37 автомобиль йўлининг 253-километрида содир бўлган Nexia-3 ҳамда Spark автомобиллари иштирокидаги ЙТҲни расмийлаштириш жараёнида ЙПХ ходими ҳаракат хавфсизлигини таъминлаш мақсадида Lacetti хизмат автомобилини маёқчалари ёқилган ҳолда йўналишларни ажратувчи бетон тўсиқ ёнига — Nexia-3 автомобилининг орқа томонига жойлаштирган.
Ходимлар хизмат вазифасини бажараётган вақтда 2001 йилда туғилган ҳайдовчи С.I. эътиборсизлиги сабаб бошқарувидаги Cobalt автомобилида маёқчалари ёқилган ҳолда тўхтаб турган Lacetti автомобилининг орқа томонига тўқнашган.
Мазкур содир бўлган ЙТҲлар оқибатида тан жароҳати олган фуқаролар йўқ. Ҳолат юзасидан туман прокуратураси ходимлари томонидан терговга қадар текширув ҳаракатлари олиб борилмоқда.
Изоҳ (2)
Лекин гаи йулни уртасида турган булса, менимча бу ерда фукорони айиблашмокда.
Орлик масофа саклашмаган